សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជាអ្នករត់រុឺម៉កម៉ូតូកង់បីម្នាក់បានបេីករ៉ឺម៉កចេញពីផឹកបំណងទៅផ្ទះជួលវិញក៏ជ្រុលទៅបុករថយន្តមួយគ្រឿងពីក្រោយខណៈដែលរថយន្តនេះកំពុងឈប់ចាំភ្លើងស្តុបបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១០និង៣០នាទីយប់ ថ្ងៃទី២៩ ខែមិថុនា ឆ្នាំ២០២០ នៅចំណុចផ្លូវព្រះសីហនុ ស្ថិតក្នុងសង្កាត់បឹងកេងកងទី១ ខណ្ឌបឹងកេងកង។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តមួយគ្រឿងម៉ាកកាមរីបាឡែនពណ៌ទឹកប្រាក់ ពាក់ស្លាកលេខភ្នំពេញ2S-9789 ធ្វេីដំណេីរតាមបណ្តោយផ្លូវព្រះសីហនុ ក្នុងទិសដៅពីលិចទៅកេីត ខណៈមកដល់ចំណុចកេីតហេតុដោយសារតែឈប់រង់ចាំភ្លើងស្តុបពណ៌ខៀវស្រាប់តែមានបុរសម្នាក់បើករុឺម៉កម៉ូតូកង់បីមកពីក្រោយក្នុងល្បឿនលឿនក៏ជ្រុលទៅបុកយ៉ាងពេញទំហឹងបណ្តាលឲ្យរថយន្តរងការខូចខាតបែកស្តុបខាងស្តាំ តែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ធ្វេីការសម្របសម្រួលដោយភាគីខាងរ៉ឺម៉កចេញថ្លៃជួសជុលទៅភាគីរថយន្តដេីម្បីបញ្ចប់រឿងនៅកន្លែងកេីតហេតុតែម្តង៕ សុខាសែនជ័យ
