សារព័ត៌មាន នគរវត្ត តែងតែនាំមុខគេជានិច្ច
ក្រុមហ៊ុនអាកាសចរណ៍ជាតិបារាំងAir France បានប្រកាសគម្រោងកាត់បន្ថយបុគ្គលិកដល់ទៅ ៧៥០០នាក់ ដោយសារតែផលប៉ះពាល់បង្កឡើងដោយកូវីដ-១៩។
តាមសារព័ត៌មានTTXVN ប្រចាំនៅទីក្រុងប៉ារីសបានឲ្យដឹងថា ក្រុមហ៊ុនអាកាសចរណ៍ជាតិបារាំង Air France បានឡើងគម្រោង កាត់បន្ថយបុគ្គលិក៧៥០០នាក់ ជាការកែទម្រង់ទ្រង់ទ្រាយធំដោយសារតែផលប៉ះពាល់បង្កឡើងដោយកូវីដ-១៩ ។
ក្រុមហ៊ុនAir France នឹងលើកឡើងពីគម្រោងកាត់បន្ថយខាងលើទៅកាន់គណៈកម្មការសេដ្ឋកិច្ចនិងសង្គមរបស់រដ្ឋាភិបាល ក្នុងកិច្ចប្រជុំនាថ្ងៃទី៣ខែកក្កដាខាងមុខនេះ។ នៅក្នុងគម្រោងនោះ ចាប់ពេលនេះរហូតដល់ឆ្នាំ២០២២ និឹងមានបុគ្គលិកជាង៧៥០០នាក់ត្រូវបានកាត់បន្ថយ ។
ការកាត់បន្ថយបុគ្គលិករបស់ក្រុមហ៊ុន Air France គឺនៅមានចំនួនតិចនៅឡើយបើប្រៀបធៀបនិឹងក្រុមហ៊ុនអាកាសចរណ៍ផ្សេងៗទៀត។ កន្លងមក ក្រុមហ៊ុនអាកាសចរណ៍British Airways បានកាត់បន្ថយបុគ្គលិកដល់ទៅ១២.០០០នាក់។ ចំណែកក្រុមហ៊ុនអាកាសចរណ៍Lufthansa របស់អាល្លឺម៉ង់ បានកាត់បន្ថយបុគ្គលិកដល់ទៅ២២.០០០ពាន់។
ប៉ុន្តែសម្រាប់ក្រុមហ៊ុនអាកាសចរណ៍Air France នេះជារឿងដ៏អាក្រក់ដោយសារតែក្រុមហ៊ុនមិនដែលកាត់បន្ថយបុគ្គលិកនោះឡើយ៕ដោយ៖ធី រីណា
