គ្រាប់បេចំនួន២គ្រាប់នៅពីរកន្លែងផ្សេងគ្នា ត្រូវពលរដ្ឋប្រទះឃើញរាយការណ៍ជូនសមត្ថកិច្ច

ខេត្តឧត្ដរមានជ័យ៖ នៅថ្ងៃ ព្រហស្បតិ១២កើត ខែ អាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០២ ខែកក្កដា ឆ្នាំ២០២០ វេលាម៉ោង ០៩៖០០នាទីព្រឹកមានលោកមេភូមិគោកស្វាយបានរាយការណ៍មកប៉ុស្តិ៍ គោកមនថាមានអេស្កាបានកាយដីប្រទះឃើញគ្រាប់ B41 ចំនួន០១គ្រាប់នៅចំណុចវាលរហាលស្ថិតនៅភូមិ គោកស្វាយ កំលាំងប៉ុស្តិ៍បានទទួលព័ត៌មានហើយបានចុះដល់ទីតាំងរួចបានរាយការណ៍ជូនក្រុមស៉ីម៉ាក់មកកំទេចចោលរួចរាល់ហើយ។

នៅថ្ងៃដដែល វេលាម៉ោង ០៩៖១០នាទីមានប្រជាពលរដ្ឋឈ្មោះ ពេជ្រ ឈើ ភេទប្រុស អាយុ៤០ឆ្នាំ ជាកសិករ រស់នៅភូមិ ស្រែប្រាំងបានទៅ ស្រែប្រទះឃើញគ្រាប់ 60.mm

ចំនួន ០១គ្រាប់នៅវាលស្រែខាងលិចភូមិចម្ងាយប្រហែល៣០០ម៉ែត្រ រួចបានរាយការណ៍មក ប៉ុស្តិ៍ ជើងទៀន កំលាំងប៉ុស្តិ៍បានចុះដល់ទីតាំង ហើយបានយកខ្សែចងហ៊ុមព័ទ្ធជាសញ្ញាការពារគ្រោះថ្នាក់រួចរាល់អស់ហើយ។

សមត្ថកិច្ចបានអោយដឹងថា៖ ករណីនេះ ការិយាល័យ ជំនាញបានទាក់ទងទៅ ក្រុមសុីម៉ាក់រួចហើយ ដោយប្រមូលយកទៅកម្ទេចចោលការពារកុំអោយបង្ករគ្រោះថ្នាក់ដល់ពលរដ្ឋនៅតំបន់ខាងលើនោះ។ដោយ៖ប៉ែន នួន