សារព័ត៌មាន នគរវត្ត តែងតែនាំមុខគេជានិច្ច
ក្រចេះ ៖នៅថ្ងៃ០២ ខែកក្កដា ឆ្នាំ២០២០ វេលាម៉ោង ១៦៖២០នាទី ល្ងាចកម្លាំងអធិការដ្ឋាននគរបាលក្រុងក្រចេះ បានចុះបង្ក្រាបករណីជួញដូរគ្រឿងញៀន ឃាត់ខ្លួនជនសង្ស័យចំនួន ០១នាក់ នៅចំណុចកន្លែងលាងម៉ូតូ(ទល់មុខផ្ទះសំណាក់លីហ្វុងរតនៈ) ស្ថិតនៅភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះសមត្ថកិច្ចបានឲ្យដឹងថាជនសង្ស័យខាងលើឈ្មោះ ទៀប ភក្តី ហៅជា ភេទប្រុស អាយុ៣០ឆ្នាំ មុខរបរមិនពិតប្រាកដ មានទីលំនៅ ភូមិសំបុក ឃុំសំបុក ស្រុកចិត្តបុរី ខេត្តក្រចេះ ។
ក្រោយឃាត់ខ្លួនសមត្ថកិច្ចបានចាប់យកវត្ថុតាង និង សម្ភារៈរួមមាន
-ម្ស៉ៅក្រាមពណ៌សសង្ស័យជាគ្រឿងញៀន ចំនួន ០៩កញ្ចប់(ធំ០៧កញ្ចប់ តូច០២កញ្ចប់)
-ទុយោសម្រាប់ចូករំលែកគ្រឿងញៀនចំនួន ០១
-ជញ្ជីងសម្រាប់ថ្លឹងគ្រឿងញៀនចំនួន ០១
-ដែកកេសចំនួន ០៤
-ថង់សម្រាប់ច្រករំលែកគ្រឿងញៀនមួយចំនួន
-ទូរស័ព្ទចំនួន០១គ្រឿង(camfone)
-ម៉ូតូចំនួន០១គ្រឿងម៉ាក Exciter
បច្ចុប្បន្នជនសង្ស័យ និង វត្ថុតាង ត្រូវបានឃាត់ និង រក្សាទុកជាបណ្តោះអាសន្ន នៅអធិការដ្ឋាននគរបាលក្រុងក្រចេះ ដើម្បីកសាងសំណុំរឿងតាមនីតិវិធី៕ស សម
