សារព័ត៌មាន នគរវត្ត តែងតែនាំមុខគេជានិច្ច
យោងតាមការចុះផ្សាយរបស់សារព័ត៌មាន Live Score បានឲ្យដឹងនៅព្រឹកនេះថា ក្លឹបបិសាចក្រហម Manchester United នៅតែកំពុងបន្តប្រជែងជាមួយនឹងក្លឹបតោខៀវ Chelsea និងមេឃខៀវ Man City ក្នុងការនាំយកកីឡាករខ្សែការពារ Ben Chiwell មករួមក្លឹបសម្រាប់រដូវកាលក្រោយ។
ដោយឡែកបើយោងតាមការចុះផ្សាយរបស់សារព័ត៌មានអង់គ្លេស The Sun វិញបានបង្ហាញថា ក្រុមរបស់លោក Ole Solskjare កំពុងនាំមុខគេក្នុងការចរចាជាមួយនឹងក្លឹប Leicester City ដើម្បីផ្ទេរកីឡាករការពារស្លាបដែលមានតម្លៃខ្លួន៦០លានផោនរូបនេះមកដល់ទឹកដី Old Trafford ដែលមានន័យថា ក្លឹបបិសាចក្រហមកំពុងមានភាគរយខ្ពស់ជាងក្លឹបមួយចំនួនដែលចង់បានដែរ។
ប្រសិនបើកីឡាករ Ben Chiwell ផ្ទេរមកទឹកដីបិសាចក្រហមមែននោះ វានឹងក្លាយទៅជាបញ្ហាជាន់គ្នាចំនួន២សម្រាប់ក្លឹបមួយនេះ ខណៈដែលខ្សែការពារស្លាប Luke Saw ជាកីឡាករមិត្តរួមក្រុមជម្រើសជាតិក៏មានវត្តមាននៅទីនេះដែរ ហើយចង់មិនចង់ក្លឹបចាំបាច់អាចនឹងលក់ចេញក៏ថាបាន ៕ដោយ៖ភារៈ
