សារព័ត៌មាន នគរវត្ត តែងតែនាំមុខគេជានិច្ច
ពិតណាស់មនុស្សម្នាក់ៗតែងតែស្រឡាញ់និងបីបាច់ថែរក្សាកូននៅពេលដែលកូនបានកើតមកមើលឃើញពន្លឺព្រះអាទិត្យនិងរស់លើភពផែនដីរហូតដល់ខ្លួនពេញរូបពេញរាង។តែនៅក្នុងការចិញ្ចឹមបីបាច់ថែរក្សាកូនឱ្យបានល្អតើយើងត្រូវធ្វើរបៀបណា?
ពេលនេះដើម្បីចង់ដឹងថាចិញ្ចឹមកូនឲ្យមានភាពល្អប្រសើរយ៉ាងណានោះយើងលើកយកត្រណមមួយចំនួននៅក្នុងការបីបាច់ថែរក្សាកូន
+ចំពោះកូនប្រុសមានត្រណម៣គឺ៖
ត្រណមទី១- ចិញ្ចឹមថ្នាក់ថ្នមតម្រូវតាមចិត្តជ្រុល កូនប្រុសធំឡើងគឺត្រូវធ្វើជាសសរទ្រូងគ្រួសារ ប្រសិនបើខ្លាចកូននឿយហត់ពេក ហើយថ្នាក់ថ្នមតាមចិត្តកូនជ្រុលពេក នោះពេលគេធំពេញវ័យនឹងជួបបញ្ហាវិបត្តិ មានឧបសគ្គបន្តិចក៏មិនអាចពុះពារបាន អ៊ីចឹងគេនឹងពិបាកសម្រេចបានកិច្ចការធំណាស់។
ត្រណមទី២- តាមម៉ែស្អិតពេក៖ ពេលកូនប្រុសធំត្រូវតែឃ្លាតពីម៉ែបន្តិច ដល់វ័យធំដឹងក្តីល្មម អ្នកជាម្តាយត្រូវតែចេះលែងដៃកូនខ្លះ ឃ្លាតឆ្ងាយពីគេបន្តិច ហើយទុកឱកាសឲ្យគេនៅមើល និងរៀនតាមឪពុកគេវិញ ដើម្បីរៀនសូត្រតាមធ្វើជាបុរសដើមទ្រូង៥ហត្ថ។
ត្រណមទី ៣- មានអត្តចរិតមិនល្អ៖ ប្រសិនបើកូនមានចរិតបែបភ័យខ្លាចគេ គ្មានគោលគំនិតជាខ្លួនឯង ធ្វើរឿងអ្វីក៏ចេះតែអូសបន្លាយពេលវេលា សម្រេចចិត្តមិនដាច់ស្រេច ហើយងាយបោះបង់ចោល។ កូនបែបនេះ នឹងពិបាកក្លាយជាមនុស្សមានកំណើតណាស់ ហើយទៅថ្ងៃមុខក្នុងជីវិតអាពាហ៍ពិពាហ៍របស់គេក៏មិនល្អខ្លាំងដែរ។
+ចំពោះកូនស្រីមានត្រណម៥៖
ត្រណមទី១ ចិញ្ចឹមបែបក្រ ៖កូនស្រីត្រូវតែចិញ្ចឹមបែបអ្នកមាន (មាន ក្រ ក្នុងន័យនេះមិនមែនសំដៅលើរបស់ទ្រព្យទេ) ប៉ុន្តែវាមានន័យច្រើនទៀតគឺ ចិត្តគំនិតវែងឆ្ងាយ។ កូនស្រីត្រូវតែឲ្យគេចេញស្គាល់សង្គមខាងក្រៅឲ្យច្រើន ដើម្បីបង្កើនចំណេះដឹង។
ត្រណមទី២ ថ្នមកូនជ្រុលពេក៖ ប្រសិនបើស្រឡាញ់កូនស្រីខ្លាំងពេក នឹងធ្វើឲ្យគេក្លាយជារំអួយជ្រុលតាមតែចិត្តឯង អ្នកដទៃធ្វើអ្វីឲ្យទើសចិត្តបន្តិចក៏ខឹងដូចភ្នំភ្លើងផ្ទុះ។ អត្តចរិតបែបនេះនឹងពិបាកចូលសង្គមចុះណាស់ ហើយថ្ងៃក្រោយក្នុងជីវិតអាពាហ៍ពិពាហ៍ក៏មិនល្អដែរ។
ត្រណមទី ៣ មិនឯករាជ្យ៖ កូនស្រីត្រូវរៀនឯករាជ្យ មិនមែនគ្រប់រឿងត្រូវតែចាំពឹងផ្អែកលើគេនោះទេ។ បើមិនដូច្នេះនឹងបាត់បង់តម្លៃខ្លួនឯង។ មិនថារឿងសេដ្ឋកិច្ច ឬស្នេហា គឺត្រូវតែឯករាជ្យម្ចាស់ការបានដោយខ្លួនឯង។
ត្រណមទី៤ ខ្ជិលខ្លាំងពេក៖ មិនចេះរៀបចំបន្ទប់ដេក ខោអាវក៏ខ្ជិលបោក ខ្ជិលទាំងការរៀនសូត្រទៀត។ល។ មនុស្សខ្ជិលពេក គឺមានគុណវិបត្តិធ្ងន់ធ្ងរណាស់។
ត្រណមទី៥ ឆោតល្ងង់ពេក៖ មានឪពុកម្តាយជាច្រើន តែងតែបង្រៀនកូនស្រីឲ្យមើលឃើញតែពិភពលោកស្រស់ស្អាតប៉ុណ្ណោះ ធ្វើឲ្យពេលគាត់ធំឡើង ងាយនឹងជឿសម្តីគេ មនុស្សដែលឆោតពេក គឺងាយនឹងខាតបង់ធំណាស់៕
ដោយ៖ស សម
