សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានឃើញបុរស
ម្នាក់ដើរកាន់បង្គោលដងទង់ជាតិនៅមុខវត្តព្រះពុទ្ធឃេាសាចារ្យដោយខ្លួនរបស់គាត់់យោលចុះឡើងៗ ហើយមិនដឹងជាយ៉ាងម៉េចទេស្រាប់តែដួលស្លាប់ភ្លាមៗដោយពុំដឹងពីមូលហេតុ។
ហេតុការណ៍នេះបានកើតឡើងនៅវេលាម៉ោង ១១ និង ២០ នាទីព្រឹកថ្ងៃទី ១៤ ខែសីហា ឆ្នាំ២០២០តាមបណ្តោយផ្លូវលេខ ៤៧ ខាងមុខវត្តព្រះពុទ្ធឃោសាចារ្យ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
សពបុរសរូបនេះគេនៅមិនទាន់ស្គាល់អត្តសញ្ញាណនៅឡើយទេ មានវ័យប្រហែល៣០ឆ្នាំ ។
ប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុគេបានឃើញជនរងគ្រោះ បានទៅចូលអង្គុយផឹកកាហ្វេ តែត្រូវបានម្ចាស់ហាងដេញចេញពីកន្លែងនោះ ស្រាប់តែជនរងគ្រោះបានដើរមកដល់របងវត្តហើយឈរកាន់ដងទង់ជាតិ មានសភាពយោលខ្លួន ហើយមួយសន្ទុះក្រោយមកស្រាប់តែឃើញបុរសរូបនេះដួលស្លាប់ភ្លាមៗនៅនឹងកន្លែងកើតហេតុ ដោយពុំដឹងពីមូលហេតុ។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់ និងទាក់ទងទៅខាងជំនាញពិនិត្យកោសល្យវិច័យ ឲ្យចុះមកពិនិត្យដោយបញ្ជាក់ថា បុរសរូបនេះស្លាប់ដោយសារខ្យល់គរ រួចបានធ្វើកំណត់ហេតុប្រគល់សពឲ្យទៅរថយន្ត
សាមុយដឹកយកទៅវត្តទឹកថ្លាដើម្បីរង់ចាំក្រុមគ្រួសារយកទៅធ្វើបុណ្យតាមប្រពៃណី ៕ ដោយ៖ ជ្រោយពេជ្រ
