សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ នៅវេលាម៉ោង១និង៣០ នាទីរំលងអធ្រាត្រឈានចូលថ្ងៃពុធ១៥កើត ខែភទ្របទ ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី២ ខែកញ្ញា ឆ្នាំ២០២០ មានករណីគ្រោះថ្នាក់ចរាចរណ៍មួយដែលបង្កឡេីងដោយរថយន្ដនិងរថយន្ត នៅលើកំណាត់ផ្លូវជាតិលេខ៤ ត្រង់ចន្លោះគីឡូម៉ែត្រលេខ ៦៧-៦៨ ក្នុងភូមិត្រពាំងអត់ទឹក ឃុំគីរីវ័នស្រុកភ្នំស្រួច ខេត្តកំពង់ស្ពឺ។ សមត្ថកិច្ចបានឲ្យដឹងថា រថយន្តបង្ក ម៉ាក ALPHARD ពណ៌ស គ្មានពាក់ស្លាក
លេខ អ្នកបើកបរមិនស្គាល់ឈ្មោះហើយមានអ្អ្នករួមដំណើរចំនួន៦នាក់ (ស្រី៣ នាក់)ជាជនជាតិចិន បើកបរមកពីទិសខាងលិចទៅទិសខាងកើត ពេលមកដល់ចំណុចខាងលើបានបុកពីក្រោយរថយន្ត១គ្រឿងម៉ាកសាំយ៉ុង ពណ៌សពាក់ស្លាកលេខ ភ្នំពេញ 2AA-7040 អ្នកបើកបរឈ្មោះ តូច ប៊ុន ធឿន ភេទប្រុស អាយុ៣៦ឆ្នាំ មានទីលំនៅភូមិត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់ ។
ហេតុការណ៍នេះបានបណ្តាលឲ្យអ្នកជិះក្នុងរថយន្តរងរបួសធ្ងន់ស្រាល១៣នាក់ ក្នុងនោះមានជនបរទេស៦នាក់(ប្រុស៣ នាក់របួសធ្ងន់) អ្នករបួសត្រូវកម្លាំងនគរបាលជំនាញធ្វេីការបញ្ជូនទៅសង្រ្គោះបន្ទាន់នៅមន្ទីរពេទ្យបង្ធែកខេត្ដកំពង់ស្ពឺ និងមួយចំនួនបន្ដទៅមន្ទីរពេទ្យនៅរាជធានីភ្នំពេញ ។
តាមការបញ្ជាក់ពីមន្ត្រីជំនាញចរាចរណ៍បានឲ្យដឹងថា គ្រោះថ្នាក់ចរាចរណ៍ខាងលើនេះគឺបណ្ដាលមកពីអ្នកបេីកបរ
ងងុយដេក បាត់បង់ម្ចាស់ការ ហើយស្ថានភាពយប់ងងឹតផង បេីកបរគ្មានការប្រុងប្រយ័ត្ន ល្បឿនលឿនហួសកំណត់ ។
បច្ចុប្បន្នមន្ត្រីនគរបាលចរាចរណ៍បានកសាងឯកសារកំណត់ហេតុវាស់វែងបញ្ជូនរថយន្ដបង្កទៅកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ដកំពង់ស្ពឺ ដេីម្បីមានចំណាត់ការតាមនីតិវិធី៕ដោយ ៖ សសម
