សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជិះម៉ូតូម្នាក់ឯងតាមដងផ្លូវត្រូវជនសង្ស័យមួយក្រុមជិះម៉ូតូមកពីក្រោយឆក់កាបូបពីចង្កេះបានសម្រេចគេចខ្លួនបាត់ដោយសុវត្តិភាព។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទី ព្រឹក ថ្ងៃទី៥ ខែកញ្ញា ឆ្នាំ២០២០ នៅតាមបណ្តោយផ្លូវបេតុង ចូលផ្សារព្រៃទា ភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមសម្តីស្ត្រីរងគ្រោះសុំមិនបញ្ចេញឈ្មោះ បានប្រាប់ឲ្យដឹងថា មុនពេលកេីតហេតុគាត់បានជិះម៉ូតូមួយគ្រឿងម៉ាកស្កុបពី ពណ៌ស ពាក់ស្លាកលេខភ្នំពេញ1GV 2361 ធ្វេីដំណេីរតាមបណ្តោយផ្លូវបេតុងច្រកចូលផ្សារព្រៃទា ដោយកាបូបកឹបជាប់និងចង្កេះ ខណះជិតដល់ផ្ទះទៅហេីយស្រាប់តែមានជនសង្ស័យមួយក្រុមជិះម៉ូតូ២គ្រឿងមកពីក្រោយធ្វេីសកម្មភាពឆក់កាបូបពីចង្កេះបានសម្រេចហេីយគេចខ្លួនបាត់អស់ ភ្លាមនោះគាត់ស្រែកឲ្យគេឯងជួយដែរតែមិនមានអ្នកណាហ៊ានដេញនោះទេ។
ជនរងគ្រោះបន្តថា នៅក្នុងកាបូបដែលត្រូវជនសង្ស័យឆក់នោះមានលុយខ្មែរជិត១០លានរៀល និងខ្សែកផ្លាទីនមួយខ្សែ ទូរស័ព្ទដៃ២គ្រឿង និងឯកសារមួយចំនួនទៀត។
ក្រោយកេីតហេតុជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកាកាបទី២ ទាំងអស់សង្ឃឹម៕
ដោយ៖ សុខាសែនជ័យ
