សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុដោយសារតែជិះម៉ូតូមិនប្រយ័ត្នខណៈដែលដឹកប្រពន្ធផងក្នុងល្បឿនបោះពួយយ៉ាងលឿនត្រង់ចំណុចផ្លូវចុះចំណោតក៏រេចង្កូតធ្លាក់ផ្លូវដួលតែម្តង។
ហេតុការណ៍គ្រោះថ្នាក់ចរាចរណ៍ជិះម៉ូតូដួលធ្លាក់ផ្លូវបណ្តាលឱ្យបុរសម្នាក់ស្លាប់នោះបានកើតឡើងកាលពីវេលាម៉ោង១៩ថ្ងៃទី ១១ ខែ កញ្ញា ឆ្នាំ ២០២០ត្រង់ចំណុចផ្លូវលំចុះចំណោតអូរច្រារស្ថិតក្នុងភូមិស្រែថ្មី ឃុំឃ្សឹម ស្រុកស្នួល ខេត្តក្រចេះ ។
ប្រភពបន្តថា ជនរងគ្រោះឈ្មោះ ម៉ាត់ សឹក ភេទប្រុស អាយុ៥០ឆ្នាំ មានទីលំនៅភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ (ស្លាប់នៅនឹងកន្លែងកេីតហេតុភ្លាមៗ) និងអ្នករួមដំណេីរឈ្មោះ ម៉ាន ម៉ៃ ភេទស្រី អាយុ៥៥ឆ្នាំត្រូវជាប្រពន្ឋជនរងគ្រោះរងរបួសធ្ងន់បានបញ្ជូនទៅសង្គ្រោះនៅមណ្ឌលសុខភាពស្រុកស្នួល។
ប្រភពបន្តទៀតថា ទាំងពីរនាក់ប្តីប្រពន្ធជិះម៉ូតូធ្វេីដំណេីរពីត្បូងទៅជេីងហើយបង្កគ្រោះថ្នាក់ដោយខ្លួនឯង ។
ម៉ូតូរបស់ជនរងគ្រោះម៉ាក អ៊ែរប្លេដ ពណ៌ខ្មៅ ពាក់ស្លាកលេខ ភ្នំពេញ ១DH-២៨៨៨ដោយបេីកបរប្រេីប្រាស់ល្បឿនលឿនហួសកំណត់ បាត់បង់ម្ចាស់ការស្ថិតក្នុងស្ថានភាពផ្លូវចុះចំណោតខ្លាំងហើយបត់កោងទៀតផង។
លុះមកដល់ចំណុចកេីតហេតុខាងលេីដោយសារតែល្បឿនលឿនចុះចំណោតចាប់ហ្រ្វ័ងមិនជាប់ ក៏រេចង្កូតធ្លាក់ផ្លូវបោកក្បាលស្លាប់ភ្លាមតែម្តង ឯប្រពន្ធរងរបួសយ៉ាងធ្ងន់ធ្ងរកំពុងសម្រាកព្យាបាលក្នុងមន្ទីរពេទ្យ។
ក្រោយកើតហេតុសមត្ថកិច្ចបានចុះមកត្រួតពិនិត្យ រួចបានប្រគល់សពឲ្យសាច់ញាតិយកទៅធ្វើបុណ្យតាមប្រពៃណី ៕
ដោយ៖ជីវ័ន្ត
