សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តស៊េរីទំនេីបពីរគ្រឿងបានបុកគ្នានៅត្រង់ចំណុចផ្លូវបំបែកជាបួនបណ្ដាលឲ្យរងការខូចខាត បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១១ និង៣០នាទីយប់ ថ្ងៃទី២១ ខែកញ្ញា ឆ្នាំ២០២០ នៅតាមបណ្ដោយផ្លូវលេខ៣៦០ កែងផ្លូវលេខ១០៥ ក្នុងសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។
យោងតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុបានឲ្យដឹងថា ដំបូងគេឃេីញរថយន្តម៉ាក ALPHARD ពណ៌ខ្មៅ ពាក់ស្លាកលេខភ្នំពេញ 2AQ-6871 បានធ្វេីដំណេីរតាមបណ្ដោយផ្លូវលេខ១០៥ ទិសដៅពីជេីងមកត្បូងក្នុងល្បឿនល្មមរួចក៏ឆ្លងកាត់ទទឹងផ្លូវលេខ៣៦០ ខណៈឆ្លងបានពាក់កណ្ដាលផ្លូវ ក៏មានរថយន្តLexus LX470 ពណ៌ខ្មៅ ពាក់ស្លាកលេខភ្នំពេញ 2M-7399 បានធ្វេីដំណេីរតាមបណ្ដោយផ្លូវលេខ៣៦០ ទិសដៅពីកេីតមកលិច ក្នុងល្បឿនល្មម តែមិនប្រយ័ត្នក៏ជ្រុលបុករថយន្តALPHARD ចំពីចហៀងគូទផ្នែកខាងឆ្វេងរងការខូចខាតគួរសម្យ ។
ក្នុងករណីគ្រោះថ្នាក់ចរាចរណ៍ខាងលេីនេះមិនបណ្ដាលឲ្យមនុស្សណាម្នាក់រងរបួសនោះឡេីយ តែភាគីទាំងសងខាងនិយាយរកតែត្រូវរៀងៗខ្លួន ទេីបសមត្ថកិច្ចមូលដ្ឋានដែលចុះទៅដល់កន្លែងកេីតហេតុ បានទាក់ទងទៅជំនាញចរាចរណ៍មកធ្វេីការវាស់វែងយករថយន្តទាំងពីរគ្រឿងនេះទៅរក្សាទុកនៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមច្បាប់នៅពេលក្រោយ ៕
ដោយ៖ ភារ៉ា ដង្កោ
