រថយន្តព្រូសបើកបុកម៉ូតូបណ្តាលឲ្យបុរសម្នាក់រងរបួសធ្ងន់

ភ្នំពេញ៖ បុរសម្នាក់រងរបួសធ្ងន់ បាក់ដៃស្តាំ ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈកំពុងជិះម៉ូតូត្រូវរថយន្តព្រូសបេីកមកបុកពេញទំហឹងកាលពីវេលាម៉ោង៦និហ៥០នាទីព្រឹក ថ្ងៃទី០៥ ខែតុលា ឆ្នាំ២០២០ នៅតាមផ្លូវបេតុងក្នុងភូមិស្រែជម្រៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។

ជនរងគ្រោះឈ្មោះ តេង សល់ ភេទប្រុស អាយុ២៨ឆ្នាំ មានទីលំនៅក្នុងភូមិកើតហេតុ រងរបួសបាក់ដៃស្តាំ ។

តាមប្រភពព័ត៌មាននៅកន្លែងកេីតហេតុបានឲ្យដឹងថា មុនពេលកើតហេតុ ជនរងគ្រោះជិះម៉ូតូម៉ាកហុងដា សេ១២៥ ធ្វើដំណើរតាមផ្លូវបេតុងពីលិចទៅកើត លុះដល់ចំណុចកើតហេតុ ស្រាប់តែរថយន្តម៉ាកព្រូស ពណ៌ស្ករ ពាក់ស្លាកលេខ ភ្នំពេញ2NA-4452 បើកតាមផ្លូវបេតុង ពីត្បូងទៅជើង មកដល់បួងចង្កូតបត់ទៅលិចជ្រុលទៅបុកម៉ូតូ បណ្តាលឲ្យរងរបួសធ្ងន់បាក់ដៃស្តាំ ហើយស្របពេលដែល រថយន្តបើកបុកម៉ូតូ នៅកណ្តាលផ្លូវ ស្រាប់តែមានរថយន្តកូរ៉េឃ្លប់ ដឹកទឹកកក បើកពីកើតទៅលិច ព្យាយាមគេច តែជ្រុលទៅធ្លាក់ក្នុងប្រឡាយ កង់មួយចំហៀង ។

ក្រោយកើតហេតុជនរងគ្រោះត្រូវបានក្រុមគ្រួសារដឹកយកទៅពេទ្យដោយខ្លួនឯង ចំណែកមធ្យោបាយទាំង២ត្រូវបានសមត្ថកិច្ចវាស់វែងយកទៅរក្សាទុករងចាំដោះស្រាយពេលក្រោយ ៕ ដោយ​ ៖ សុខាសែនជ័យ​