កម្លាំងជំនាញក៧ឃាត់ខ្លួនជនសង្ស័យប្រុសស្រី៣នាក់ករណីរក្សាទុកជួញដូរ គ្រឿងញៀនខុសច្បាប់

ភ្នំពេញ ៖កាលពីថ្ងៃទី០៦ ខែតុលាឆ្នាំ២០២០វេលាម៉ោង១៤:០៥នាទីរសៀល កម្លាំងជំនាញ (ក៧)របស់មន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ សឿង ណុល នាយករងមន្ទីរ និងមានការសម្របសម្រួលពីលោកព្រះរាជអាជ្ញារង សឿន មុនីរ័ត្ន បានបើកការស៊ើបអង្កេត ស្រាវជ្រាវ បង្រា្កបបទល្មើសគ្រឿងញៀន២គោលដៅផ្សេងគ្នាគឺ៖

១-នៅចំណុចក្បែរខ្លោងទ្វារវត្តតាំងក្រសាំង ស្ថិតក្នុងសង្កាត់កាកាប២ ខណ្ឌពោធិ៍សែនជ័យ ។

 ២-នៅចំណុចផ្ទះជួលគ្មានលេខ ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។

ជាលទ្ធផលកម្លាំងជំនាញបានឃាត់ខ្លួនជនសង្ស័យ៣នាក់មាន៖

    ១-ឈ្មោះ សឹង សម្បត្តិ ភេទប្រុស អាយុ ៣៥ឆ្នាំ ជនជាតិខ្មែរ ។

    ២-ឈ្មោះ ប្រាក់ ឌីម៉ង់ ភេទប្រុស អាយុ ៣៥ឆ្នាំ ជនជាតិខ្មែរ។

    ៣-ឈ្មោះ ពៅ សាវិន ភេទស្រី អាយុ ៣៧ឆ្នាំ ជនជាតិខ្មែរ។

  ព្រមទាំងដកហូតបាននូវវត្ថុតាងរួមមាន៖

     ១-ម្សៅក្រាមសថ្លាសង្ស័យថ្នាំញៀនប្រភេទមេតំហ្វេតាមីន (ICE)ទម្ងន់ ៣១៦៥.១៩ ក្រាម ។

     ២-ជញ្ជីងថ្លឹងថ្នាំញៀន២គ្រឿង

     ៣-ឧបករណ៍សម្រាប់វេចខ្ចប់ថ្នាំញៀនមួយចំនួន ។

បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំងជំនាញនាំមកការិយាល័យកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕ដោយ៖ ស សម