ព័ត៌មានទាន់ហេតុការណ៍៖

នគរបាលរាជធានីភ្នំពេញឆ្មក់បង្ក្រាបនៅភោជនីយដ្ឋានទីតាំងមួយនៅខណ្ឌបឹងកេងកង​ ឃាត់ខ្លួនមនុស្សប្រុសស្រី៦៥នាក់​ និងគ្រឿងញៀនមួយចំនួនធំ

ចែករំលែក៖

      ភ្នំពេញ ៖​ កម្លាំងសមត្ថកិច្ចនៃស្នងការដ្ឋាននគរបាលរាជធានីភ្នំពេញ​ នៅវេលាម៉ោង១២និង៤០នាទីយប់រំលងអធ្រាត្រឈានចូលថ្ងៃចន្ទ  ទី១២ ខែតុលា ឆ្នាំ២០២០នេះ​ បានចុះបង្រ្កាបនៅ ភោជនីយដ្ឋានមួយកន្លែងមានឈ្មោះ ហុកសិបប្រាំមួយ ដឺក្រេ ផាប & ឡោញ នៅផ្លូវ២០៥ កែង និង ផ្លូវ៣៨៤ ក្នុងសង្កាត់ ទួលស្វាយព្រៃទី២ ខណ្ឌ បឹងកេងកង រាជធានីភ្នំពេញ។

    សមត្ថកិច្ចបានបង្ហេីបប្រាប់ឲ្យដឹងថា​ ក្នុងការចុះបង្រ្កាបទីតាំងខាងលើបានឃាត់មនុស្សសរុបចំនួន៦៥នាក់ ស្រី២១នាក់ ប្រុស៤៤នាក់ និង ថ្នាំញៀនមួយចំនួនធំ រួមទាំងម៉ូតូ រថយន្តមួយចំនួនទៀត។ក្នុងនោះដែលគេសង្កេតឃើញមានទាំងជនជាតិខ្មែរ​ និងជនជាតិចិន។​ ករណីនេះសមត្ថកិច្ចជំនាញនៅតែបន្តស្រាវជ្រាវរកថ្នាំញៀនក្នុងទីនោះថែមទៀត​ ដោយមិនទាន់សរុបចំនួនប៉ុន្មាននោះទេ​ ។ 

    បច្ចុប្បន្ន​ ជនសង្ស័យរួមទាំងវត្ថុតាំងត្រូវបានបញ្ជូនតាម រថយន្តក្រុងទៅស្នងការរាជធានីភ្នំពេញចាត់ការតាមច្បាប់៕

ដោយ​ ៖​ ភារ៉ា​ ដង្កោ


ចែករំលែក៖