សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីមានឥទ្ធិពលព្យុះ និងភ្លៀងខ្លាំង ស្ទើរទូទាំងប្រទេសមួយរយៈមក គឺនៅថ្ងៃទី១៣, ១៤ ខែតុលា ឆ្នាំ២០២០ បានធ្វើឲ្យទឹកស្ទឹងព្រែកត្នោត ឡើងខ្ពស់ហូរលើខ្នងទំនប់ ទឹកបែកវាល ជន់លិចដល់សង្កាត់មួយចំនួនក្នុងខណ្ឌដង្កោ រាជធានីភ្នពេញ។
ក្នុងកាលៈទេសៈនេះ ដោយបានទទួលបទបញ្ជាពីនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះមូលដ្ឋានខណ្ឌដង្កោ បានដឹកនាំកម្លាំងចុះដល់ទីតាំងលិចទឹក ដើម្បីចូលរួមសហការជាមួយកម្លាំងចម្រុះជាច្រើនទៀត ដឹកនាំដោយលោក ឃួង ស្រេង អភិបាលនៃគណ:អភិបាលរាជធានីភ្នំពេញ, លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ, លោក ឧត្តមសេនីយ៍ឯក អ៊ុង សារិទ្ធ មេបញ្ជាការរងនិងជានាយសេនាធិការបញ្ជាការដ្ឋានអង្គរក្ស បានចេញប្រតិបត្តិការជួយសង្គ្រោះប្រជាពលរដ្ឋដែលកំពុងរងគ្រោះដោយទឹកជំនន់តាមសណ្តស្ទឹងព្រែកត្នោត ក៏ដូចនាំយកមី ទឹកសុទ្ធ និងសម្ភារ ថវិកាមួយចំនួនទៀតដេីម្បីផ្តល់ជូនប្រជាពលរដ្ឋដែលរងគ្រោះផងដែរ៕
ដោយ៖ ចន្ទ លីហ្សា
