សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ ស្ត្រីវ័យ៣២ឆ្នាំម្នាក់បានយកអាហារទៅជូនឪពុកដោយធ្វេីដំណេីរ ឆ្លងកាត់ទឹកជ្រៅក្នុងចម្ងាយដី៤០គីឡូម៉ែត្រ ហើយសង្ស័យដើរឆ្លងផុតជេីងពីដីធ្វេីឱ្យឈ្លក់ទឹកផុតដង្ហេីមស្លាប់។ ហេតុការណ៍នេះបានកេីតឡេីងនៅចំណុចខាងកើតព្រែកគ្រូស្រួង ក្នុងភូមិទី៦ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ ។
ប្រភពព័ត៌មានពីឪពុកជនរងគ្រោះបានប្រាប់ថា ករណីនេះកេីតឡេីងនៅថ្ងៃទី៣ ខែវិច្ឆិកា ឆ្នាំ២០២០ វេលាម៉ោងប្រមាណ១០៖៣០នាទីព្រឹក នៅចំណុចកេីតហេតុខាងលេី រហូតដល់ថ្ងៃទី៤ ខែវិច្ឆិកា ឆ្នាំ២០២០ វេលាម៉ោង៨៖២០នាទីទេីបសពអណ្តែតឡេីងរកឃេីញ ។
ឪពុកបន្តថា កូនរបស់គាត់(ជនរងគ្រោះ)ឈ្មោះ ណាន ម៉ាសុីតោះ ភេទស្រី អាយុ៣២ឆ្នាំ ជាតិខ្មែរអ៊ិស្លាម រស់នៅភូមិទី៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ ។
ក្រោយពីបានទទួលព័ត៌មាននេះកម្លាំងជំនាញផ្នែកកោសល្យវិច័យ និងកម្លាំងប៉ុស្តិ៍នគរបាលរដ្ឋបាលស្វាយឃ្លាំង នៃអធិការដ្ឋាននគរបាលស្រុកក្រូចឆ្មារ សហការជាមួយគ្រូពេទ្យ អាជ្ញាធរភូមិ ឃុំ និងក្រុមប្រឹក្សាបានចុះទៅដល់កន្លែងកើតហេតុហើយធ្វើការពិនិត្យលើសពជនរងគ្រោះបានសន្និដ្ឋានថា ជនរងគ្រោះពិតជាបានស្លាប់ដោយសារលង់ទឹកប្រាកដមែន ពុំមានពាក់ព័ន្ធនឹងករណីឃាតកម្មឡើយ។
ក្រោយពីបានពិនិត្យចប់សព្វគ្រប់ហើយ សពត្រូវបានសមត្ថកិច្ចប្រគល់ឲ្យក្រុមគ្រួសារជនរងគ្រោះធ្វើបុណ្យតាមប្រពៃណី ៕
ដោយ ៖វណ្ណៈ
