សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមហ៊ុន Google បានអបអរសាទរទិវាបុណ្យឯករាជ្យជាតិរបស់ប្រទេសកម្ពុជា ដែលកន្លងមក នៅថ្ងៃបុណ្យឯករាជ្យជាតិនៃប្រទេសកម្ពុជាGoogle ធ្លាប់បានតាំងបង្ហាញរូប Doodle ដើម្បីបង្ហាញថ្ងៃទទួលបានឯករាជ្យរបស់កម្ពុជា នៅថ្ងៃ៩ ខែវិច្ឆិកា។ នេះក៏មិនមែនជាលើកទីមួយនោះទេដែល Google បានអបអរសាទរទិវាបុណ្យឯករាជ្យជាតិនេះ។
សូមជម្រាបថា សម្រាប់ថ្ងៃនេះដែរ ប្រទេសកម្ពុជា បានប្រារព្ធខួបអនុស្សាវរីយ៍លើកទី៦៧ នៃទិវាបុណ្យឯករាជ្យជាតិ ៩វិច្ឆិកា (ឆ្នាំ១៩៥៣ – ២០២០) ដែលប្រទេសកម្ពុជាបានរួចផុតពីការត្រួតត្រារបស់អាណានិគមនិយមបារាំង។ជាក់ស្តែងថ្ងៃនេះដែរ ក៏បង្ហាញពីការលះបង់ឈាមស្រស់សាច់ស្រស់ និងភាពអង់អាចក្លាហាននៃប្រជាជនកម្ពុជា ដើម្បីឲ្យប្រទេសមួយនេះទទួលបានសេរីភាពពេញបរិបូរ។
គួរបញ្ជាក់ថា ក្រុមហ៊ុន Google ក៏ធ្លាប់តាំងបង្ហាញរូប doodle នៃថ្ងៃបុណ្យឯករាជ្យជាតិនៃប្រទេសកម្ពុជា ដូចជាឆ្នាំ២០១៥ ២០១៧និង២០១៨។សម្រាប់ឆ្នាំ២០២០ នៅពេលគេចូលទៅដល់កន្លែងស្វែងរករបស់ Google គេនឹងឃើញរូបទង់ជាតិរបស់ប្រទេសកម្ពុជា ដែលកំពុងបក់រវិចៗ ជាមួយពាក្យ Google នៅពីខាងក្រោម៕
រូប Doodle ឆ្នាំ២០២០
រូប Doodle ឆ្នាំ២០១៨
រូប Doodle ឆ្នាំ២០១៧
រូប Doodle ឆ្នាំ២០១៥
កន្លែងស្វែងរក Google ដែលបានអបអរទិវាបុណ្យឯករាជ្យជាតិឆ្នាំ២០២០
