សារព័ត៌មាន នគរវត្ត តែងតែនាំមុខគេជានិច្ច
តាមរបាយការណ៍របស់គណៈកម្មការសុវត្ថិភាពចរាចរណ៍ជាតិ នៅថ្ងៃទី២៥ខែវិច្ឆិកា បានផ្សាយថា ក្នុងរយៈពេល១១ខែកន្លងមក (គិតចាប់ពីថ្ងៃទី១៥ខែធ្នូឆ្នាំ២០១៩ ដល់ថ្ងៃទី១៤ ខែវិច្ឆិកា ឆ្នាំ២០២០)នៅទូទាំងប្រទេសវៀតណាមមានគ្រោះថ្នាក់ចរាចរណ៍ផ្លូវគោកសរុប12.985 ករណី បង្កឲ្យមានអ្នកសា្លប់6.048នាក់ និងអ្នករងរបួស 9.652 នាក់ ។
បើប្រៀបធៀបនឹងដំណាក់កាលដូចគ្នានៅឆ្នាំ២០១៩ ចំនួនគ្រោះថ្នាក់ចរាចរណ៍មានតិចជាង 2.900 ករណី ។ ចំណែកអ្នកស្លាប់ក៏តិចជាង៩២៧នាក់ផងដែរ និងអ្នករងរបួសតិចជាង 2.492នាក់។ ដូច្នេះទាំងគ្រោះថ្នាក់ចរាចរណ៍និង អ្នកស្លាប់ របួសថយចុះគួរឲ្យកត់សម្គាល់ ដោយសារតែអ្នកធ្វើដំណើរមានការយល់ដឹងពីសុវត្ថិភាពការធ្វើចរាចរណ៍។
ចំណែកនៅក្នុងវិស័យចរាចរណ៍ផ្លូវដែកវិញមានគ្រោះថ្នាក់79ករណី សម្លាប់មនុស្ស៦៣នាក់ និងរបួស២០នាក់។ បើប្រៀបធៀបនឹងឆ្នាំ២០១៩វិញ គឺថយចុះជាង៦២ករណី ស្មើ៤៣,៩%។
វិស័យចរាចរណ៍ផ្លូវទឹកមានគ្រោះថ្នាក់៥៩ករណី សម្លាប់មនុស្ស៤៣នាក់ គឺកើនឡើងជាងឆ្នាំមុន ៤ករណី ចំណែកអ្នកស្លាប់ក៏ច្រើនជាង១៩នាក់ផងដែរ៕ដោយ៖ធី រីណា
