សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានស្លាប់នៅជាប់ខាងក្រោមរថយន្តយ៉ាងអាណោចអាធ័មខណៈកំពុងជិះម៉ូតូមកពីលក់ផ្កាត្រូវរថយន្តដឹកខ្សាច់បេីកមកបុកពីក្រោយនិងកិន កាលពីវេលាម៉ោង៩និង៥០នាទីយប់ ថ្ងៃទី៣០ខែវិច្ចិកា ឆ្នាំ២០២០ នៅចំណុចច្រមុះជ្រូកក្បាលថ្នល់ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនរងគ្រោះឈ្មោះ អែម ឡី ភេទស្រី អាយុ៥៥ឆ្នាំ មុខរបរ លក់ផ្កា ស្នាក់នៅសង្កាត់ព្រែកឯងខណ្ឌច្បារអំពៅ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុជនរងគ្រោះជិះម៉ូតូម៉ាកគុបមូល ពណ៌ខៀវ ពាក់ស្លាកលេខ ខ០៩៨៨ កណ១ ធ្វេីដំណេីរក្នុងទិសដៅពីកេីតទៅលិច ខណៈមកដល់ចំណុចកេីតហេតុក៏បង្អង់ម៉ូតូបំណងបត់ឆ្វេងឆ្លងផ្លូវទៅខាងក្រោយវិញភ្លាមនោះស្រាប់តែមានរថយន្តបែនដឹកខ្សាច់ ពណ៌ស ពាក់ស្លាកលេខភ្នំពេញ3F 0210 ធ្វេីដំណេីរមកពីក្រោយក៏បុកនិងកិនបន្ថែមបណ្តាលឲ្យអ្នកជិះម៉ូតូស្លាប់យ៉ាងអាណោចអាធ័ម។
ក្រោយកេីតហេតុតៃកុងរថយន្តបានចុះពីលេីរថយន្តរត់គេចខ្លួនតែត្រូវបានប្រជាពលរដ្ឋចាប់ប្រគល់ជូនសមត្ថកិច្ច បន្ទាប់មកសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងទាក់ទងទៅជំនាញការិយាល័យចរាចរណ៍ផ្លូវគោករាជធានីភ្នំពេញធ្វេីការវាស់វែងយករថយន្តនិងម៉ូតូទៅរក្សាទុករង់ចាំដោះស្រាយតាមច្បាប់ដោយឡែកសពត្រូវបានប្រគល់ជូនគ្រួសារយកទៅធ្វេីបុណ្យតាមប្រពៃណី៕
ដោយ៖ សុខាសែនជ័យ
