សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅថ្ងៃទី០៩ ខែធ្នូ ឆ្នាំ ២០២០ វេលាម៉ោង ១ :៣០នាទី កម្លាំងជំនាញនៃអធិការដ្ឋាននគរបាលក្រុងព្រះសីហនុ បានឃាត់ខ្លួនជនសង្ស័យពាក់ព័ន្ធករណីគ្រឿងញៀន២នាក់ ស្ថិតនៅក្រុម១៤ ភូមិ១ សង្កាត់លេខ៣ ក្រុង/ខេត្តព្រះសីហនុ ។
ជនសង្ស័យទី១-ឈ្មោះ សៅ មករា ភេទ ប្រុស ឆ្នាំកំណេីត១៩៨៣ ជនជាតិខ្មែរ មុខរបរកម្មករសំណង់ មានទីលំនៅបច្ចុប្បន្ន ក្រុម១៤ ភូមិ១ សង្កាត់៣ ក្រុង/ខេត្តព្រះសីហនុ និងមានស្រុកកំណេីតនៅ ភូមិជោរ ឃុំគ្រញូង ស្រុកកំចាយមារ ខេត្តព្រៃវែង ។
ជនសង្ស័យទី២-ឈ្មោះ ប៉ែន បូរី ភេទ ប្រុស ឆ្នាំកំណេីត២០០២ ជនជាតិខ្មែរ មុខរបរកម្មករសំណង់ មានទីលំនៅបច្ចុប្បន្ន ភូមិ១ សង្កាត់៣ ក្រុង/ខេត្តព្រះសីហនុ និងមានស្រុកកំណេីតនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
ចំពោះវត្ថុតាងដែលសមត្ថកិច្ចរឹបអូសបានរួមមាន : ម្សៅក្រាមពណ៌សថ្លាសង្ស័យសារធាតុញៀនចំនួន១៧កញ្ចប់, ទូរស័ព្ទដៃ២គ្រឿង។
បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និង ចាត់ការតាមនីតិវិធីច្បាប់៕ឆ្លាម សមុទ្រ
