បុរសជនជាតិចិនម្នាក់ បានធ្វើអត្តឃាតចង.ក សម្លាប់ខ្លួន ក្នុងបន្ទប់ស្នាក់នៅ ក្នុងការដ្ឋានសំណង់

ខេត្តព្រះសីហនុ៖ យោងតាមរបាយការណ៍របស់សមត្ថកិច្ចបានឲ្យដឹងថា បុរសជនជាតិចិនម្នាក់ បានធ្វើអត្តឃាតចង.ក សម្លាប់ខ្លួន ក្នុងបន្ទប់ស្នាក់នៅ ក្នុងការដ្ឋានសំណង់មួយកន្លែង នៅភូមិគគី ឃុំ បិតត្រាំង ស្រុកព្រៃនប់ ខេត្តព្រះសីហនុ កាលពីថ្ងៃត្រង់ ថ្ងៃទី១១ ខែធ្នូ ឆ្នាំ២០២០។  សាកសពឈ្មោះ LI GUO QING  ភេទ ប្រុស កើតថ្ងៃទី១០. ០៣. ១៩៩២ សញ្ជាតិ ចិន មានមុខរបរ បុគ្គលិកក្រុមហ៊ុនសំណង់  ARCDE TRIOMPHE ។ បើតាមរបាយការណ៍ពីសមត្ថកិច្ចបញ្ជាក់ថា ក្រោយត្រួតពិនិត្យធ្វើកោសល្យវិច័យលើសាកសព  ពីលោកវេជ្ជបណ្ឌិត សែ ជូសិទ្ធិជោតិ និងនគរបាលបច្ចេកទេសវិទ្យាសាស្រ្តបានអោយបញ្ជាក់ថា សាកសពពិតជាស្លាប់ដោយធ្វើអត្តឃាតចង.ក ប្រាកដមែន។ បច្ចុប្បន្នសមត្ថកិច្ចបានដោះស្រាយការងារតាមនីតិវិធី៕

ឆ្លាម សមុទ្រ