សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារសៀលថ្ងៃទី២៥ ខែធ្នូ ឆ្នាំ២០២០ មជ្ឈមណ្ឌលបណ្តុះបណ្តាលនិងស្រាវជ្រាវនៃអគ្គលេខាធិការដ្ឋាននៃរាជបណ្ឌិត្យសភាកម្ពុជា បានរៀបចំពិធីការពារគម្រោងបណ្ដោះអាសន្ននិក្ខេបបទថ្នាក់បណ្ឌិត ជូន៖
– បេក្ខជនបណ្ឌិត : ឆាយ សុផល
– ជំនាន់ទី៤ វគ្គ១
– ជំនាញ : វិទ្យាសាស្រ្ដនយោបាយ
– ប្រធានបទ : ឥទ្ធិពលហ្វេសប៊ុកនៅក្នុងនយោបាយកម្ពុជា (២០០៨ – ២០២០)
– សាស្ត្រាចារ្យណែនាំ : បណ្ឌិត គិន ភា
ជាលទ្ធផល គណៈកម្មការវាយតម្លៃបានឯកភាពសម្រេចឱ្យបេក្ខជនបណ្ឌិត ឆាយ សុផល ទទួលជោគជ័យលើការការពារគម្រោងបណ្ដោះអាសន្ននិក្ខេបបទថ្នាក់បណ្ឌិត ដោយភ្ជាប់ជាមួយនូវអនុសាសន៍មួយចំនួនដើម្បីធ្វើឱ្យបេក្ខជនបណ្ឌិតមានធាតុចូលបន្ថែមសម្រាប់ដំណាក់កាលការពារជាបន្តបន្ទាប់។
សូមបញ្ជាក់ថា, លោក ឆាយ សុផល មានតួនាទីជាអនុរដ្ឋលេខាធិការ ក្រសួងព័ត៌មាន និងជាអ្នកនិពន្ធ សៀវភៅជាច្រើននៅកម្ពុជា លោកក៏ជាសាស្ត្រាចារ្យមួយរូបបង្រៀនផ្នែកវិជ្ជាជីវៈសារព័ត៌មាន៕
ដោយ៖សិលា
