ប្រធានរដ្ឋសភាអាមេរិកស្នើដកតំណែងប្រធានាធិបតីដូណាល់ ត្រាំ

ចែករំលែក៖

នៅថ្ងៃទី៧ខែមករា ប្រធានរដ្ឋសភាអាមេរិក លោកស្រី Nancy Pelosi បានស្នើឲ្យដកតំណែងប្រធានាធិបតីដូណាល់ ត្រាំ ដោយសារតែលោកជាប់ពាក់ព័ន្ធនឹងអំពើហិង្សានៅវិមានកាពីតូល ។ ជាមួយគ្នានោះដែរ ថ្នាក់ដឹកនាំគណបក្សសាធារណរដ្ឋ ក៏បានស្នើឲ្យចោទប្រកាន់ទោស និងដកតំណែងលោកត្រាំមុនថ្ងៃទី២០ ខែមករាឆ្នាំ២០២១។
ប្រធានរដ្ឋសភាអាមេរិក លោកស្រី Nancy Pelosi បានស្នើដល់អនុប្រធានាធិបតីអាមេរិក លោកMike Pence ដំណើរការច្បាប់ធម្មនុញ្ញមាត្រាទី២៥ ក្នុងការដកតំណែង ប្រធានាធិបតីត្រាំ ។ ប្រធានរដ្ឋសភាបន្តទៀតថា ប្រសិនបើអនុប្រធានាធិបតី Mike Pence មិនដកតំណែងទេនោះ សភានឹងចោទប្រកាន់ទោសជាលើកទីពីរ ដល់ប្រធានាធិបតីដូណាល់ ត្រាំ ។
ការលើកឡើងរបស់លោកស្រីNancy Pelosi ក្រោយពេលមានសមាជិកព្រឹទ្ធភា និងរដ្ឋសភាជាច្រើនរូបបានស្នើឲ្យដកតំណែងលោកត្រាំ ដោយចោទប្រកាន់អំពើហិង្សានៅវិមានកាពីតូល គឺជាសកម្មភាពប្រឆាំងទឹកដីអាមេរិក ដូច្នេះលោកត្រាំមិនត្រូវបន្តតំណែងប្រធានាធិបតីទៀតឡើយ។
លោកChuck Schumer សមាជិកព្រឹទ្ធសភាអាមេរិកមកពីគណបក្សប្រជាធិបតេយ្យ បានលើកឡើងថា ប្រសិនបើអនុប្រធានាធិបតីមិនមានសកម្មភាព នោះទេសភានឹងដកតំណែងលោកត្រាំ មុនពេលបញ្ចប់អាណត្តិ។
លោកត្រាំត្រូវបានគេចាត់ទុកថានៅពីក្រោយអំពើហិង្សាក្នុងរដ្ឋសភា កាលពីថ្ងៃទី៦ ខែមករា បណ្តាលឲ្យមានអ្នកស្លាប់និងរបួសជាច្រើន ។ ទោះបីមានអំពើហិង្សាក្តី ក៏សភានៅតែបន្តកិច្ចប្រជុំបោះឆ្នោត ហើយលោកបៃឌិនជាអ្នកឈ្នះផ្លូវការក្លាយជាប្រធានាធិបតីទី៤៦របស់អាមេរិក៕