សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ភ្លៅម្ខាងបន្ទាប់ពីជួបគ្រោះថ្នាក់ចរាចរណ៍ជ្រុលបុករថយន្តឡិចស៊ិសដែលបត់មិនប្រយ័ត្ន។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹកថ្ងៃទី៩ ខែមករា ឆ្នាំ២០២១ នៅចំណុចស្តុបព្រលានថ្មី តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ិស RX330ពណ៌ផ្សែងបារី ពាក់ស្លាកលេខព្រះសីហនុ2B 2689 បេីកបរដោយបុរសម្នាក់ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីកេីតទៅលិចលុះមកដល់ចំណុចកេីតហេតុស្រាប់តែទាញចង្កូតបត់ឆ្វេងភ្លាមនោះស្រាប់តែមានបុរសម្នាក់ជិះម៉ូតូធុនធំពណ៌ខ្មៅ ពាក់ស្លាកលេខភ្នំពេញ1AB 9983 ធ្វេីដំណេីរមកពីក្រោយចាប់ហ្វ្រ័ងមិនទាន់ក៏ជ្រុលបុកពីចំហៀងពេញទំហឹងបោកទៅនិងថ្នល់រងរបួសបាក់ភ្លៅម្ខាង។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែកម៉ូតូនិងរថយន្តត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយតាមច្បាប់៕
ដោយ៖សុខាសែនជ័យ
