សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់មនុស្សប្រុសស្រី៣នាក់បានរងរបួសធ្ងន់ដោយសារគ្រោះថ្នាក់ចរាចរណ៍រវាងម៉ូតូបុកគ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិទាំងយប់។
ហេតុការណ៍នេះបានកើតឡើងកាលពីវេលាម៉ោង៧និង១០នាទីយប់ថ្ងៃទី៩ខែមករា ឆ្នាំ២០២១ ស្ថិតក្នុងត្រង់ចំណុចភូមិថ្មី ឃុំក្រសាំង ស្រុករមាសហែកខេត្តស្វាយរៀង។
សមត្ថកិច្ចនគរបាលស្រុករមាសហែកបានឲ្យដឹងថាម៉ូតូដែលបង្កហេតុបើកបរដោយឈ្មោះឡុង អាន់ អាយុ៣៦ ឆ្នាំ មុខរបរកសិករនិងអ្នករួមដំណើរជាមួយម្ដាយមានឈ្មោះសាំង អៀ ភេទស្រីអាយុ៥៦ឆ្នាំមុខរបរកសិកររស់នៅភូមិត្រពាំងជ្រៃ ឃុំក្រសាំង ស្រុករមាសហែកជិះម៉ូតូម៉ាកហុងដាសេ១២៥ស៊េរី២០១៦ ពណ៌ខ្មៅ ពាក់ស្លាកលេខភ្នំពេញ១FP៦៧០៣ ខូចខាតយ៉ាងដំណំ។
ចំណែកភាគីម្ខាងទៀតមានឈ្មោះ ពិន ប៊ឿនភេទប្រុស អាយុ៤១ឆ្នាំមុខរបរកសិករ រស់នៅភូមិតាសៅ ឃុំគ្រញូង ស្រុកកំចាយមារ ខេត្តព្រៃវែងជិះម៉ូតូម៉ាកហុងដាសេ១២៥ស៊េរីឆ្នាំ២០១៧ ពណ៌ខ្មៅ ពាក់ស្លាកលេខស្វាយរៀង១J២៩៩៣។
បើតាមអ្នកភូមិបានឱ្យដឹងថាមុនពេលកើតហេតុគេឃើញស្ត្រី២នាក់បានជិះម៉ូតូមួយគ្រឿងម៉ាកហុងដាសេ១២៥ស៊េរី២០១៦ ពណ៌ខ្មៅ ពាក់ស្លាកលេខភ្នំពេញ១FP៦៧០៣ក្នុងទិសដៅពីជើងមកត្បូងដោយមិនប្រកាន់ស្ដាំស្រាប់តែទៅបុកនិងបុរសម្នាក់បានជិះម៉ូតូមួយគ្រឿងម៉ាកហុងដាសេ១២៥ស៊េរី២០១៧ ពណ៌ខ្មៅ ពាក់ស្លាកលេខស្វាយរៀង១J២៩៩៣ក្នុងទិសដៅបញ្ច្រាស់គ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិនិងសមត្ថកិច្ចមកអន្តរាគមន៍ដឹកមកសង្គ្រោះនៅមន្ទីរពេទ្យបង្អែកស្រុករមាសហែកនិងចុះមកវាស់វែងអូសយកវត្ថុតាងម៉ូតូទាំង២គ្រឿងមករក្សាទុកនៅប៉ុស្តិ៍រដ្ឋបាលដើម្បីដោះស្រាយតាមច្បាប់ ៕
ដោយ៖យឹម សុថាន
