សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ រសៀលថ្ងៃទី១៨ ខែមករា ឆ្នាំ២០២១នេះ លោក សសុខា រដ្ឋលេខាធិការ ក្រសួងអប់រំ យុវជន និងកីឡា ដឹកនាំកិច្ចប្រជុំការងារ ចំនួន ២ នៅខេត្តបាត់ដំបង រួមមាន ៖
១. កិច្ចប្រជុំតាមដានវឌ្ឍនភាពការងារត្រៀមរៀបចំពិធី សម្ពោធដាក់ឲ្យប្រើប្រាស់ជាផ្លូវការអគារសិក្សា ចំនួន ១ខ្នង កម្ពស់ ២ជាន់ មាន ១០បន្ទប់ និងសមិទ្ធផលនានាក្នុងសាលាបឋមសិក្សាសម្តេច ជា ស៊ីម ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
២. កិច្ចប្រជុំតាមដានវឌ្ឍនភាពការងារត្រៀមរៀបចំពិធី ចែកសញ្ញាបត្រជូននិស្សិតជ័យលាភី ថ្នាក់បរិញ្ញាបត្ររង បរិញ្ញាបត្រ និងថ្នាក់បរិញ្ញាបត្រជាន់ខ្ពស់ របស់សាកលវិទ្យាល័យជាតិបាត់ដំបង ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ៕
ដោយ៖ សិលា
