សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ នាព្រឹកថ្ងៃទី១៨ ខែ មករា ឆ្នាំ២០២១ រដ្ឋបាលសាលាខេត្តបានរៀបចំផ្សព្វផ្សាយហិរញ្ញវត្ថុ ដោយមានការអញ្ជើញចូលរួមពី លោកម៉ុម សារឿន អភិបាលនៃគណៈអភិបាលខេត្ត និងមន្រ្តីពាក់ព័ន្ធនៃមន្ទីរអង្គភាពជុំវិញខេត្ត ក្រោមការរៀបចំ របស់ មន្ទីរសេដ្ឋកិច្ច និងហិរញ្ញវត្ថុខេត្តស្ទឹងត្រែង។
លោកម៉ម សារឿន អភិបាលនៃគណៈអភិបាលខេត្ត បានលើកឡើងថា ច្បាប់ស្តីពី ហិរញ្ញវត្ថុ សម្រាប់ការគ្រប់គ្រងឆ្នាំ២០២១ គឺជាថវិកា ពាក់កណ្តាលអាណត្តិ នៃរាជរដ្ឋាភិបាល នីតិកាលទី៦ នៃរដ្ឋសភា ក្នុងព្រឹត្តិការណ៍ និង ដំណាក់កាលនៃការប្រយុទ្ធប្រឆាំងនឹងការរាតត្បាតនៃជំងឺ កូវីដ-១៩។
នាចុងឆ្នាំ២០២០ ក៏បានបង្កើនសម្ពាធ នៃតម្រូវការចំណាយ ថវិកា ឆ្នាំ២០២១ ក្នុងគោលដៅស្តារ ហេដ្ឋារចនាសម្ព័ន្ធ និងផលិតកម្មកសិកម្មដែលបានខូចខាត។
លោកអភិបាលខេត្ត បានមានប្រសាសន៍ លើកឡើងទៀតថា: កិច្ចប្រជុំបានរៀបចំឡើង គឺដើម្បី ពង្រឹងប្រសិទ្ធភាពការអនុវត្តនូវក្រសួងសេដ្ឋកិច្ច និងហិរញ្ញវត្ថុ សម្រាប់ការគ្រប់គ្រងឆ្នាំ២០២១ ហើយជាច្បាប់ស្តីពីហិរញ្ញវត្ថុ បានរៀបចំឡើងនេះ សម្រាប់ថវិកា ដើម្បី សម្រេចគោលដៅរាជរដ្ឋាភិបាល និងត្រូវរៀបចំឡើងដោយឈរលើគោលការណ៍គ្រឹះ។
ជាយុទ្ធសាស្រ្តសំខាន់ៗចំនួនរួមមាន: ទី១-ទប់ស្កាត់ការរាតត្បាត និងកាត់បន្ថយផលប៉ះពាល់ពីជំងឺកូវីដ-១៩ ។
ទី២-ខិតខំសម្រេចឱ្យបានកំណើនសេដ្ឋកិច្ច ក្នុងរង្វង់ ៣,៥ភាគរយ ជាពិសេសការគ្រប់គ្រងរចនាសម្ព័ន្ធដើម្បីបន្តសម្រេចបាននូវគោលដៅកំណើននេះក្នុងរយៈពេលមធ្យម រាជរដ្ឋាភិបាលបាននិងកំពុងអនុវត្តនូវគោលនយោបាយអាទិភាព ប្រកបដោយឆន្ទះខ្ពស់ រួមមានជា យុទ្ធសាស្រ្តចតុកោណដំណាក់កាលទី៤ និងផែនការយុទ្ធសាស្រ្តអភិវឌ្ឍន៍៕
ដោយ៖មាស សុផាត
