សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កញ្ចប់ថវិកាជាតិដើម្បីស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែក្នុងក្រុងសៀមរាប គឺជាការជួយស្តារសេដ្ឋកិច្ចរបស់ប្រជាពលរដ្ឋនៅខេត្តសៀមរាប ។ នេះជាការថ្លែងរបស់ លោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា នារសៀលថ្ងៃទី២៣ ខែមករា ឆ្នាំ២០២១ ។
លោកបានលើកឡើងថា ថ្ងៃនេះខ្ញុំមានឱកាសបានមកមើលផ្លូវកំពុងស្ថាបនា ដែលរាជរដ្ឋាភិបាលបានប្រកាសឲ្យបញ្ចេញកញ្ចប់ថវិកាជាតិដើម្បីស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែក្នុងក្រុងសៀមរាប កាលពីខែកញ្ញា ឆ្នាំ២០២០។ ទិដ្ឋភាពនៃការសាង់សង់ផ្លូវនេះបានសបញ្ជាក់ថា ទោះបីជាពិភពលោកកំពុងជួបវិបត្តិនៃការរីករាលដាលជំងឺកូវីដ-១៩យ៉ាងណាក៏ដោយ ក៏វិបត្តិនៃការរាលដាលនេះមិនបានធ្វើឲ្យមានការប៉ះពាល់ធ្ងន់ធ្ងរដល់ការអភិវឌ្ឍប្រទេសកម្ពុជាឡើយ។ ផ្ទុយទៅវិញ ការអភិវឌ្ឍនេះគឺជាការជួយស្តារសេដ្ឋកិច្ចរបស់ប្រជាពលរដ្ឋនៅខេត្តសៀមរាប និងជាការត្រៀមទទួលទេសចរមកកាន់ខេត្តសៀមរាបក្រោយវិបត្តិកូវីដ-១៩៕
ដោយ៖ សិលា
