សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍ក្រាំងធ្នង់ឃាត់ខ្លួនបានករណីលួចកាបូបប្រាក់ កាលពីវេលាម៉ោង១០និង១០នាទី ថ្ងៃទី ០៥ ខែកុម្ភៈ ឆ្នាំ២០២១ នៅចំណុចក្នុងផ្សារឈូកមាស ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
សមត្ថកិច្ចបានឲ្យដឹងថា ជនសង្ស័យមានឈ្មោះ សួន ស្រីនាង ភេទស្រី អាយុ៣៥ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិអណ្តូង សង្កាត់គោករកា ខណ្ឌព្រែកព្នៅ (គ្មានសារធាតុញៀន) ។
ជននេះបានធ្វើសកម្មភាពលួចយកកាបូបប្រាក់មានលុយដុល្លារចំនួន ៧.៤៥០ដុល្លារ របស់ជនរងគ្រោះ ឈ្មោះ ហ៊ិន សុផាឡែន ភេទស្រី អាយុ២៨ឆ្នាំ ជនជាតិខ្មែរ មុខរបរបុគ្គលិកផ្នែកគណនេយ្យក្រុមហ៊ុនLFSS ស្នាក់នៅផ្ទះលេខ២C ផ្លូវបេតុង ភូមិសំរោងក្រោម សង្កាត់គោករកា ខណ្ឌព្រែកព្នៅ ។
សម្ភារបន្សល់ទុក កាបូបមានលុយដុល្លារ ៧.៤៥០ដុល្លារ ប្រគល់ឲ្យជនរងគ្រោះវិញ ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕
ដោយ៖ ចន្ទ លីហ្សា
