សារព័ត៌មាន នគរវត្ត តែងតែនាំមុខគេជានិច្ច
ការិយាល័យប្រចាំតំបន់របស់សហព័ន្ធបាល់បោះ FIBA Asia បានបញ្ជាក់ថា ការប្រកួតជម្រុះពានរង្វាន់ទ្វីបអាស៊ី២០២១ នៃពូល A, B និង E ដែលគ្រោងធ្វើនៅទីក្រុងដូហា ប្រទេសកាតាចាប់ពីថ្ងៃទី១៧ ដល់ថ្ងៃទី២៣ ខែកុម្ភៈត្រូវបានពន្យារពេលដោយសារការរឹតត្បិតរបស់អាជ្ញាធរកាតា។
គណៈគ្រប់គ្រងបាល់បោះពិភពលោកក៏បាននិយាយកាលពីថ្ងៃសៅរ៍ផងដែរថា ក្រុម D និង F នឹងប្រព្រឹត្តទៅតាមការគ្រោងទុករវាងក្រុមម៉ាណាម៉ានិងក្រុមបារ៉ែន និងការប្រកួតពូល C រវាងនូវែលសេឡង់ និងអូស្រ្តាលីនឹងត្រូវរៀបចំឡើងនៅថ្ងៃទី២០ ខែកុម្ភៈនៅទីក្រុង Cairns ប្រទេសអូស្ត្រាលី។
ក្នុងលិខិតពីការិយាល័យប្រចាំតំបន់ FIBA ប្រចាំតំបន់អាស៊ីបានចេញសេចក្តីថ្លែងការណ៍ថា ដោយសារការរីករាលដាលនៃជំងឺរាតត្បាតCOVID-19 កាន់តែអាក្រក់នៅប្រទេសកាតា ក្រសួងសុខាភិបាលកាតាបានសម្រេចចិត្តលុបចោល រាល់ការប្រកួតទាំងអស់ចាប់ផ្តើមពីថ្ងៃសុក្រហើយក្រុមនឹងឈប់សម្រាកតាមរយៈការពិចារណារបស់ស៊ីប៊ីអេ និងក្រុមគ្រូបង្វឹក។
ជាមួយគ្នានោះសេចក្តីប្រកាសរបស់ក្រុមជម្រើសជាតិចិនបានបន្ថែមថា“យើងនឹងវិភាគយ៉ាងហ្មត់ចត់នូវជំរើសដែលអាចធ្វើបានទាំងអស់នៃការចូលរួមក្នុងការប្រកួតនាពេលអនាគត” ។
យោងទៅតាម FIBA ឲ្យដឹងថា ដើម្បីបញ្ចប់វគ្គជម្រុះ FIBA Asia Cup 2021 បច្ចុប្បន្ននេះកំពុងស្វែងរកដំណោះស្រាយជំនួសជាមួយម្ចាស់ផ្ទះដែលមានសក្តានុពលសម្រាប់ការប្រកួត និងសម្រាប់ការប្រកួតវគ្គជម្រុះបន្ថែមក្នុងចំណោមក្រុមចំណាត់ថ្នាក់ទីបីនៅក្នុងក្រុមនីមួយៗ ៕ដោយ៖ភារៈ
