សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ មេបញ្ជាការ កងការពារព្រំដែនលេខ៥០១ លោកវរសេនីយ៍ឯក ចាន់ ប៊ុនឌី នៅថ្ងៃទី១៥ ខែកុម្ភៈ ឆ្នាំ២០២១ បានចាត់តាំងកម្លាំងល្បាតព្រំដែនចាប់ពីអូររំដេងព្រំប្រទល់ស្រុកមណ្ឌលសីម៉ា ខេត្តកោះកុង ដល់ភ្នំធំព្រំប្រទល់ស្រុកសំឡូត ខេត្តបាត់ដំបង ដើម្បីត្រួតពិនិត្យ រក្សាការពារបូរណភាពទឹកដីនៃព្រះរាជាណាចក្រកម្ពុជា ព្រមទាំងទប់ស្កាត់រាល់បទល្មើសនានាដែលអាចកើតមានក្នុងភូមិសាស្រ្តរបស់ខ្លួនឈរជើងការពារ។
ថ្ងៃនេះផងដែរ ក្រៅពីភារកិច្ចស្នូលរបស់អង្គភាព និងការងារល្បាត បានចាត់តាំងប្រើប្រាស់កម្លាំង មួយចំនួន ប្រចាំការត្រៀមត្រួតពិនិត្យពលករឆ្លងដែនពីប្រទេសថៃ នៅតាមបណ្តាគោលដៅច្រករបៀងផ្សេងៗ ត្រៀមស្ទាក់ទប់ស្កាត់មិនឲ្យប្រជាពលករឆ្លងដែនខុសច្បាប់ ដែលជាការ អនុវត្តតាមបទបញ្ជារបស់រាជរដ្ឋាភិបាល ក្នុងការទប់ស្កាត់មិនឲ្យមានការឆ្លងរាលដាលជំងឺកូវីដ-១៩ក្នុងសហគមន៍៕
ដោយ៖ សិលា
