សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប ៖ កម្លាំងនគរបាលស្រុកស្វាយលើ បានឃាត់ខ្លួនជនសង្ស័យ៣នាក់កាលពីថ្ងៃទី១៧ ខែកុម្ភៈ ឆ្នាំ២០២១ ស្ថិតនៅលើខ្នងភ្នំគូលែន ក្នុងភូមិព្រះអង្គរធំ ឃុំ ខ្នងភ្នំ ស្រុកស្វាយលើ ខេត្តសៀមរាប ពាក់ព័ន្ធករណីលួច យកកាបូបប្រាក់និង គ្រឿងអលង្ការបស់ជនរងគ្រោះជាអ្នកលក់ដូរនៅរមណីយដ្ឋានភ្នំគូលែន។
ប្រភពព័ត៌មានពីមន្រ្តីនគរបាលស្រុកស្វាយលើបានឲ្យដឹងថា
នៅថ្ងៃទី១៦ ខែកុម្ភៈ ឆ្នាំ២០២១ នៅចំណុចកើតហេតុ តុលក់ផ្លែដូង ភូមិ ព្រះអង្គរធំ ឃុំខ្នងភ្នំ ស្រុកស្វាយលើ ខេត្តសៀមរាបមានជនសង្ស័យ៣នាក់រួមគ្នាលួចយកកាបូបលុយពីអ្នកលក់ដូរម្នាក់ហើយគេចខ្លួន។
ក្រោយមកកម្លាំងនគរបាលជំនាញ បានកំណត់មុខសញ្ញានិងបាននាំឈ្មោះសារឿន មករា ភេទប្រុស អាយុ១១ឆ្នាំ, ឈ្មោះ ឡិក លាង ភេទប្រុស អាយុ១៧ឆ្នាំ ,ឈ្មោះ ស៊ុយ ចិន្ដា ភេទស្រី អាយុ១៩ឆ្នាំ មកសួរនាំនៅប៉ុស្តិ៍នគរបាលរដ្ឋបាលខ្នងភ្នំ ក្រោយពីស្រង់ចម្លើយរួច ឈ្មោះ សារឿន មករា បានសារភាពថា រូបខ្លួន ត្រូវបាន ម្ដាយបង្កើតឈ្មោះ ទិត្យ ណាក់ បានបញ្ជាឲ្យទៅលួចកាបូបដាក់ប្រាក់របស់តាលក់ផ្លែដូង(ឈ្មោះ លឹម មុត) ហើយរូបខ្លួន ក៏បានធ្វើធ្វើសកម្មភាពលួចយកកាបូបនោះបានសម្រេច ហើយរត់ឡើងទៅផ្លូវ ខាងលើ លាក់ទុកកាបូបនៅគំនរសំបកផ្លែដូង តាមផ្លូវចុះទៅទឹកធ្លាក់។បន្ទាប់មក រូបគេក៏គេចខ្លួនបាត់ទៅ ហើយនៅក្នុងសកម្មភាពដែលឈ្មោះ សារឿន មករា បានធ្វើ សកម្មភាព ឈ្មោះ ឡិក លាង និងប្រពន្ធឈ្មោះ ស៊ុយ ចិន្ដា ដែលត្រូវកូន បង្កើតនឹងកូនប្រសា របស់ឈ្មោះ ទិត្យ ណាក់។ រហូតដល់ព្រឹកថ្ងៃទី១៧ខែកុម្ភៈឆ្នាំ២០២១វេលាម៉ោង០៦និង៣០នាទីព្រឹក ពេលស្ងាត់ ទើបឈ្មោះ សារឿន មករា បានយកកាបូបនឹងសម្ភារៈដែលមានក្នុងនោះ(ខ្សែកចំនួនពីរខ្សែចិញ្ចៀន មួយវង់ នឹងប្រាក់មួយចំនួន)ដែលខ្លួនលួចបាននោះយកទៅឲ្យម្តាយទុក។ លុះពេលកម្លាំងសមត្ថកិច្ចបាននាំឈ្មោះ សារឿន មករា និងម្តាយឈ្មោះ ទិត្យ ណាក់ ទៅឆែកផ្ទះ ឃើញប្រាក់រៀលចំនួន ៨០០០០០រៀល (ប៉ែតសិបម៉ឺន)រៀល ហើយ បានយកខ្សែកចំនួនពីរខ្សែ បន្តោងរូបព្រះមួយអង្គ និងចិញ្ចៀនសញ្ញា ត្រាមួយវង់យកទៅលាក់ទុកនៅចម្ការក្រោយផ្ទះ។
ប្រភពដដែលបានឲ្យដឹងទៀតថាករណីនេះកម្លាំងនគរបាលជំនាញបានដកហូត សម្ភារៈវត្ថុតាងទាំងអស់ខាងលើរួមមាន៖ ១ ខ្សែកធ្វើអំពីលោហធាតុ ពណ៌លឿង ចំនួនមួយខ្សែទម្ងន់១០ជី មានប្រវែង ៥៩សម។ ២ ខ្សែកធ្វើអំពើលោហធាតុពណ៌លឿងចំនួនមួយខ្សែ ទម្ងន់១០ជី និងបន្តោងរូបព្រះទម្ងន់៧ជី មួយអង្គរ មានប្រវែង ៦៣ សមទាំងបន្តោងរូបព្រះមួយ។ ៣ ចិញ្ចៀនធ្វើអំពីលោហធាតុ ពណ៌លឿងទម្ងន់៨ជី(ចិញ្ចៀនរូបត្រា)មួយវង់។ ៤ ប័ណ្ណសំគាល់ យានយន្ត (កាត់គ្រី)មួយសន្លឹកសោម៉ូតូ ចំនួនមួយគ្រាប់។៥ ប្រាក់រៀលចំនួន ៨០ ០០០០រៀល(ប៉ែតសិបម៉ឺន)រៀល ។ ៦ ស្ទិកខរ៍ (កូនបាស)ចំនួនមួយ ។ ៧កាបូប ស្ពាយចំហៀង ពណ៌ខ្មៅចំនួនមួយ។សម្ភារ:និងវត្ថុតាងទាំងនេះ សមត្ថកិច្ចបានប្រគល់ឲ្យជនរងគ្រោះ ឈ្មោះ លឹម មុត វិញ។ ដោយឡែក ជនសង្ស័យ ឈ្មោះ សារឿន មករា ភេទប្រុស អាយុ១១ឆ្នាំ ដែលជាអនីតិជនអាយុ១១ឆ្នាំ កម្លាំងយើងបានធ្វើកិច្ចសន្យានឹងឲ្យ ឪពុក ធានាត្រឡប់ទៅផ្ទះវិញ ។ ឯជនសង្ស័យទាំងបីនាក់ ត្រូវនឹងកម្លាំងនគរបាលជំនាញកំពុងកសាងសំណុំរឿចាត់ការតាមនីតិវិធី៕
ដោយ៖ប្រាថ្នា
