សារព័ត៌មាន នគរវត្ត តែងតែនាំមុខគេជានិច្ច
ខេត្តព្រៃវែង៖ យ៉ាងហោចណាស់រថយន្តចំនួន៣គ្រឿង បានរងការខូចខាត ក្នុងនោះបណ្តាលឱ្យឆាបឆេះអស់២គ្រឿង និងមួយគ្រឿងទៀតក្រឡាប់លើចិញ្ចើមថ្នល់ជាតិ ខណៈដែលរថយន្តទាំង៣គ្រឿងនេះ បានបុកគ្នាយ៉ាងពេញទំហឹង បង្កការភ្ញាក់ផ្អើលដល់សមត្ថកិច្ចចុះទៅជួយអន្តរគមន៍បាញ់ពន្លត់ផងដែរ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើង នារសៀលថ្ងៃទី២៥ កុម្ភៈ ស្ថិតនៅផ្លូវក្រវាត់ក្រុងខេត្តព្រៃវែង ។
បេីតាមសេចក្តីរាយការណ៍បឋមនៅក្នុងហេតុការណ៍ខាងលើនេះ បានបញ្ជាក់ថា មានមនុស្សរងរបួសធ្ងន់-ស្រាលប្រមាណ៣នាក់ ប៉ុន្តែមិនទាន់ស្គាល់អត្តសញ្ញាណនៅឡើយទេ ។
បច្ចុប្បន្ន សមត្ថកិច្ចកំពុងចុះអន្តរាគមន៍ និងជួយបាញ់ទឹកពន្លត់លើរថយន្តកំពុងឆាបឆេះនោះ។ ចំណែកជនរងគ្រោះត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តផងដែរ៕ដោយ៖សហការី
