សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ យោងស្ថានភាពពាក់ព័ន្ធព្រឹត្តិការណ៍សហគមន៍ ថ្ងៃទី២០ ខែកុម្ភៈ ឆ្នាំ២០២១ មានការឆ្លងរីករាលដាលខ្លាំង ដែលចាំបាច់ក្នុងការរឹតបន្ដឹងយ៉ាងម៉ឺងម៉ាត់ចំពោះការរៀបចំពិធីមង្គលការចូលរួមកម្មវិធីផ្សេងៗដែលមានមនុស្សច្រើន រដ្ឋបាលខេត្ត សូមស្នើរដ្ឋបាលក្រុង ស្រុកគ្រប់ស្រុក អនុវត្តនូវការងារចាំបាច់ដើម្បីទប់ស្កាត់ការរីករាលដាលជំងឺ កូវីដ-១៩ នៅតាមមូលដ្ឋានរៀងៗខ្លួន ដូចខាងក្រោម ៖
១. សម្របសម្រួលពន្យារពេលការរៀបចំពិធីមង្គលការ ឬការរៀបចំពិធីផ្សេងៗ ដែលមានមនុស្សចូល រួមច្រើន។
២. កាត់បន្ថយអ្នកចូលរួមកម្មវិធីឱ្យនៅចំនួនតិច និងត្រូវអនុវត្តតាមវិធានការណែនាំរបស់ក្រសួងសុខាភិបាលឱ្យបានម៉ឺងម៉ាត់។ អាស្រ័យហេតុនេះ សូម លោកអភិបាលក្រុង-ស្រុក សូម លោក ទទួលនូវការរាប់អាន គ្រប់ស្រុក ចាត់ចែងអនុវត្តឱ្យមានប្រសិទ្ធភាពខ្ពស់៕
ដោយ៖ សិលា
