សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់ក្រុមគ្រួសារទាំងយប់ខណៈដែលយុវជនម្នាក់សង្ស័យជំងឺសរសៃប្រសាទរើឡើងបានយកកាំបិតអារបំពង់កខ្លួនឯងហូរឈាមបណ្ដាលឱ្យរងរបួសធ្ងន់។
ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២៥ខែកុម្ភៈឆ្នាំ២០២១នៅចំណុចភូមិត្រពាំងក្រួស ឃុំជ្រុងពពេល ស្រុករំដួល។
សមត្ថកិច្ចនគរបាលស្រុករំដួលបានឱ្យដឹងថា យុវជនខាងលើមានឈ្មោះសាន ជាន់ណាក អាយុ១៩ឆ្នាំ មុខរបរមិនពិតប្រាកដរស់នៅភូមិឃុំកើតហេតុ។
បើតាមក្រុមគ្រួសារបានប្រាប់សមត្ថកិច្ចថាកូនប្រុសរបស់គាត់គឺមានជំងឺសរសៃប្រសាទហើយក្រុមគ្រួសារបានយកទៅព្យាបាលនៅមន្ទីរពេទ្យនិងផឹកថ្នាំសង្កូវជាប្រចាំ ប៉ុន្តែមិនបានធូរស្រាលសោះឡើយ ដោយនៅថ្ងៃកើតហេតុខាងលើវេលាម៉ោង៩យប់ស្រាប់តែឮសូរសំឡេងកូនស្រែកក៏ដើរទៅមើលស្រាប់តែឃើញកូនយកកាំបិតចុងស្រួចចិតបន្លែអារ.កសម្លាប់ខ្លួនឯងបណ្តាលឱ្យហូរឈាមរងរបួសធ្ងន់ទើបប្រញាប់ប្រញាល់ជួយសង្គ្រោះដឹកទៅកាន់មន្ទីរពេទ្យខេត្តស្វាយរៀងភ្លាមៗតែម្ដង៕
ដោយ៖ យឹម សុថាន
