សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅរសៀលថ្ងៃទី០៥ខែមីនាឆ្នាំ២០១២១នេះលោកវរសេនីយ៍ឯកហួរ ម៉េងវ៉ាង អធិការនគរបាលខណ្ឌសែនសុខបានប្រាប់ឲ្យដឹងថា៖ ថៅកែស្រីម្នាក់ដែលវាយធ្វើបាបក្មេងស្រីជាឈ្នួលបម្រើ ជាច្រើនលើកច្រើនសានោះត្រូវកម្លាំងរបស់លោកឃាត់ខ្លួនបានហើយៗពេលនេះកំពុងកសាងសំណុំរឿងបញ្ជូនទៅតុលាកា រក្រោយពីទទួលបានពាក្យបណ្តឹងពីអាណាព្យាបាលក្មេងស្រីរងគ្រោះ។
លោកអធិការបានឱ្យដឹងទៀតថា កម្លាំងរបស់លោកឃាត់ខ្លួនស្ត្រីដៃដល់ខាងលើ នៅវេលាម៉ោង១២និង៣០នាទីថ្ងៃទី០៥ ខែមីនា ឆ្នាំ២០២១ ។
ស្ត្រីសង្ស័យមានឈ្មោះ មុំ ម៉ារីណា អាយុ៣០ឆ្នាំ ស្នាក់នៅផ្ទះជួល លេខ១១៨ ផ្លូវB បុរីពិភពថ្មីឈូកមាស ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ បានប្រើអំពើហិង្សាលើក្មេងស្រីរស់នៅជាមួយ ដើម្បីនាំខ្លួនយកមកធ្វើការសួរចម្លើយបន្ថែម និងអនុវត្តបន្តតាមនីតិវិធីច្បាប់ ។
គួរបញ្ជាក់ដែរថា ថៅកែស្រីឈ្មោះ មុំ ម៉ារីណា ជាម្ចាស់ហាងបោះដុំផលិតផលមកពីប្រទេសកូរ៉េ ប្រើគណនីហ្វេសប៊ុក ឈ្មោះ Heng Mariza ត្រូវបានសាច់ញាតិជនរងគ្រោះដាក់ពាក្យបណ្តឹងទៅប៉ុស្តិ៍នគរបាលរដ្ឋបាលក្រាំងធ្នង់នៃអធិការដ្ឋានគរបាលខណ្ឌសែនសុខ ប្តឹងចោទប្រកាន់ករណីប្រើអំពើហិង្សាយ៉ាងព្រៃផ្សៃ លើក្មេងស្រីម្នាក់ អាយុ១៦ឆ្នាំ ជាអ្នករស់នៅជាមួយបម្រើការងារក្នុងផ្ទះ។
បើតាមវីដេអូឃ្លីបមួយដែលបង្ហោះចែកចាយលើបណ្ដាញសង្គមហ្វេសប៊ុក បង្ហាញថា ថៅកែស្រីរូបនេះ ក៏បានទទួលស្គាល់ថា ពិតជាបានប្រើអំពើហិង្សាលើឈ្នួលបម្រើប្រាកដមែន ៕
ដោយ៖ ចន្ទ លីហ្សា
