សារព័ត៌មាន នគរវត្ត តែងតែនាំមុខគេជានិច្ច
ក្រុមប្រឹក្សាភិបាលរបស់ក្លិប Barcelona របស់លោក Joan Laporta កំពុងលេចចេញជារូបរាងបន្ទាប់ពីការឈ្នះឆ្នោតរបស់គាត់កាលពីថ្ងៃទី៧ ខែមីនា។ ក្លិប Barcelona មិនបានខ្ជះខ្ជាយពេលវេលាក្នុងការទៅធ្វើការទេ ហើយគាត់មានគោលនយោបាយចំពោះការធានាផ្នែកហិរញ្ញវត្ថុរបស់គាត់ចំនួន១២៥លានអឺរ៉ូដែលចាំបាច់ដើម្បីបញ្ជាក់ពីការវិលត្រឡប់របស់គាត់ទៅតួនាទីថ្មីនេះ។ ការធានានឹងត្រូវបញ្ជូនទៅលីគកំពូលអេស្ប៉ាញ La Liga នៅថ្ងៃចន្ទនេះដែលគួរតែអនុញ្ញាតឱ្យចូលកាន់តំណែងជាប្រធានក្លិបនៅថ្ងៃពុធ។ លោក Laporta ត្រូវរៀបចំរចនាសម្ព័ន្ធក្រុមប្រឹក្សាភិបាលឡើងវិញដោយសារការលាលែងពីតំណែងរបស់លោក Jaume Giro កាលពីថ្ងៃអាទិត្យដោយរូបលោកធ្លាប់ជាអនុប្រធានហិរញ្ញវត្ថុ។ យោងតាមសារព័ត៌មាន Diari Ara បានឲ្យដឹងថា លោក Eduard Romeu Barcelo អនុប្រធានក្រុមហ៊ុនថាមពលកកើតឡើងវិញនឹងជំនួសតំណែងជាអនុប្រធានហិរញ្ញវត្ថុរបស់គាត់ ៕
ដោយ៖ភារៈ
