សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ សិស្សសាលាចំនួនប្រមាណជា ២០នាក់ បានដួលសន្លប់ជាបន្តបន្ទាប់ បង្កឱ្យមានការភ្ញាក់ផ្អេីលកាលពីវេលាម៉ោយង៩និង៣០ព្រឹកថ្ងៃទី១៧ ខែមីនា ឆ្នាំ២០២១នៅវិទ្យាល័យភ្នំធំ ស្រុកមង្គលបូរី ។
ក្រោយមានករណីនេះកើតឡើង គេឃើញក្រុមគ្រូ
ពេទ្យបានយករថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗផងដែរ។
លោករ័ត្ន ដាស៊ីណង់ អភិបាលស្រុកមង្គលបូរី ប្រាប់ឲ្យដឹងថា៖នៅវេលាម៉ោងប្រមាណ ៩និង៣០នាទី គឺមានសិស្សដួលសន្លប់ជាបន្តបន្ទាប់ នៅវិទ្យាល័យ ភ្នំធំ ដោយបង្កឲ្យមានការភ្ញាក់ផ្អើលដល់សិស្សានុសិស្ស ក៏ដូចជាលោកគ្រូបាននៅក្នុងសាលា នាំគ្នាដឹកបញ្ជូនទៅសង្គ្រោះនៅមន្ទីរពេទ្យ ធ្វើការសង្គ្រោះបន្ទាន់។ លោកអភិបាលស្រុកបញ្ជាក់ថា ៖ មូលហេតុដែលបង្កឲ្យមានសិស្សសាលាដួលសន្លប់ជាបន្តបន្ទាប់នេះ ដោយនៅវលេាម៉ោង៩និង៣០ អាកាសធាតុមានការក្តៅខ្លាំងខ្យល់ចេញចូលមិនគ្រប់គ្រាន់ទេីបធ្វេីឲ្យសិស្សដែលកំពុងតែរៀន មានអាការៈថប់ដង្ហើមដួលសន្លប់តែម្តង។ ក្រោយពីទទួលបានព័ត៌មានភ្លាមលោកក៏បានចុះទៅដល់ទីតាំងដេីម្បីបញ្ជូនសិស្សានុសិស្សទៅមន្ទីរពេទ្យ ដោយខ្លះបានដឹកតាមម៉ូតូទៅមន្ទីរពេទ្យ គ្លីនិកឯកជនមួយចំនួននៅក្បែរទីតាំងសាលារៀន និងបានបញ្ជូនទៅមន្ទីរពេទ្យមង្គលបូរីចំនួន៥នាក់ ។
រហូតមកទល់ម៉ោង១២ថ្ងៃត្រង់នេះ សិស្សដែលមានអាការៈដួលសន្លប់ទាំង២០នាក់នោះមានអាការៈធូរស្បេីយ នឹងបានត្រឡប់ទៅគេហដ្ឋានរៀងខ្លួនខ្លះហេីយដែរ នៅសល់មួយចំនួនពេទ្យកំពុងបន្តតាមដាន ហើយនិងអាចអនុញ្ញាតឲ្យចេញនៅរសៀលនេះផងដែរ ៕
ដោយ៖វណ្ណា
