សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុខណៈកំពុងជិះម៉ូតូត្រូវរថយន្តធុនធំបេីកមកបុកនិងកិនកាលពីវេលាម៉ោង៨យប់ថ្ងៃទី២៥ ខែមីនា ឆ្នាំ២០២១ នៅចំណុចច្រកចូលវត្តភ្នៀត តាមបណ្តោយមហាវិថីឈ្នះឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះ ផេង ត្រេង ភេទប្រុស អាយុ៣៦ឆ្នាំ ស្នាក់នៅបុរីឈូកវ៉ា១ សង្កាត់គោករការ ខណ្ឌព្រែកភ្នៅ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកnex ពណ៌ស ពាក់ស្លាកលេខភ្នំពេញ1IE 5772 ធ្វេីដំណេីរតាមបណ្តោយមហាវិថីឈ្នះឈ្នះ ក្នុងទិសដៅពីជេីងទៅត្បូងខណៈមកដល់ចំណុចកេីតហេតុក៏បានបត់ឆ្លងផ្លូវទៅកេីតភ្លាមនោះស្រាប់តែមានរថយន្តធុនធំមួយគ្រឿងម៉ាហ៊ីយ៉ាន់ដាយ ពណ៌ស ពាក់ស្លាកលេខកំពង់ចាម3A 8036 បេីកបរតាមបណ្តោយមហាវិថីឈ្នះឈ្នះក្នុងទិសដៅពីត្បូងទៅជេីងក្នុងល្បឿនលឿនចាប់ហ្វ្រ័ងមិនទាន់ក៏ជ្រុលបុកនិងកិនបណ្តាលឲ្យស្លាប់ភ្លាមៗនៅនឹងកន្លែងកេីតហេតុ។ ភ្លាមនោះរថយន្តបង្កបានព្យាយាមបេីកគេចខ្លួនតែត្រូវបានសមត្ថកិច្ចឃាត់បានភ្លាមៗ។
បច្ចប្បន្នរថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរង់ចាំដោះស្រាយតាមច្បាប់៕
ដោយ៖សុខាសែនជ័យ
