ព័ត៌មានទាន់ហេតុការណ៍៖

ក្មេងទំនេីង​ជាច្រេីននាក់បានប្រមូលផ្ដុំគ្នាក្នុងកោះពេជ្រ​ ត្រូវបានកម្លាំងសមត្ថកិច្ចឃាត់ខ្លួនធ្វេីការអប់រំណែនាំ​ ដេីម្បីបង្ការទប់ស្កាត់ការរីករាលដាលជំងឺកូវីដ-១៩

ចែករំលែក៖

    ភ្នំពេញ​ ៖​ កម្លាំងសមត្ថកិច្ចកងអន្តរាគមន៍ពិសេស​SDU នៃស្នងការរាជធានីភ្នំពេញ​ បានសហការជាមួយសមត្ថកិច្ចប៉ុស្តិ៍ទន្លេបាសាក់​ ព្រមទាំងសន្តិសុខកោះពេជ្របានធ្វេីការឃាត់ខ្លួនក្រុមក្មេងទំនេីង​ជាច្រេីននាក់​ ដែលប្រមូលផ្ដុំគ្នានៅក្នុងកោះពេជ្រ​ ដេីម្បីធ្វេីការអប់រំណែនាំ​ គោលបំណងចូលរួមបង្ការ​ ទប់ស្កាត់​ ការរីករាលដាលនៃជំងឺកូវីដ-១៩​ ។ 

    ក្នុងប្រតិបត្តិការណ៍នេះ​ បានធ្វេីឡេីងនៅវេលាម៉ោង១០​យប់ថ្ងៃទី២៧​ ខែមីនា​ ឆ្នាំ២០២១​ ស្ថិតក្នុងបរិវេនកោះពេជ្រ​ សង្កាត់ទន្លេបាសាក់​ ខណ្ឌចំការមន​ រាជធានីភ្នំពេញ។ 

      តាមប្រភពព័ត៌មានពីសមត្ថកិច្ចបានប្រាប់ឲ្យដឹងថា​ ដោយមានការរាយការណ៍ពីប្រជាពលរដ្ឋ​ថា​ មានក្រុមក្មេងស្ទាវជាច្រេីននាក់និងម៉ូតូជាច្រេីនគ្រឿង​ មកពពាក់ពពូនប្រមូលផ្ដុំគ្នា​ នៅក្នុងកោះពេជ្រជារៀងរាល់ថ្ងៃ​ ទេីបកម្លាំងកងអន្តរាគមន៍កិច្ចការពិសេសSDUនៃស្នងការរាជធានីភ្នំពេញបានចុះមក​ ឃាត់ខ្លួនក្រុមក្មេងទំនេីង​ដែលប្រមូលផ្ដុំពពាក់ពពូនគ្នានៅក្នុងកោះពេជ្រ​ ដោយសហការជាមួយកម្លាំងមូលដ្ឋានប៉ុស្តិ៍សង្កាត់ទន្លេបាសាក់​និងសន្តិសុខកោះពេជ្រដោយឃាត់ខ្លួនក្រុមក្មេងទំនេីងប្រុសស្រីបានចំនួន៤៨នាក់​ក្នុងនោះស្រី៥នាក់ និងម៉ូតូចំនួន២៥គ្រឿង​ មកធ្វេីការអបរំណែនាំ​ ឲ្យស្របតាមចរាចរណ៍ណែនាំរបស់រដ្ឋបាលរាជធានីភ្នំពេញចេញសេចក្ដីណែនាំដល់កងកម្លាំង និងអាជ្ញាធរគ្រប់ខណ្ឌសហការឱ្យបានជិតស្និទ្ធជាមួយមន្ត្រីសុខាភិបាល ដើម្បីអនុវត្តការផាកពិន័យអន្តរការណ៍លើបុគ្គល ឬ នីតិបុគ្គល ដែលមិនអនុវត្តនូវកាតព្វកិច្ចពាក់ម៉ាស់ និង កាតព្វកិច្ចរក្សាគម្លាតសុវត្ថិភាព ក្នុងភូមិសាស្ត្ររាជធានីភ្នំពេញ។ 

      បន្ទាប់មក​សមត្ថកិច្ចបានធ្វេីការអបរំណែនាំ​  និងឲ្យក្រុមក្មេងទំនេីង​ទាំងអស់នេះ​ សន្យាថាបេីសិនថ្ងៃក្រោយ​ ក្រុមនេះមកប្រមូលផ្ដុំគ្នាទៀតនិងសមត្ថកិច្ចចាប់បានមានមុខដដែលៗ​ សមត្ថកិច្ចនិងអនុវត្តន៍តាមនីតិវិធីច្បាប់ដោយមិនមានការលេីកលែងឲ្យទៀតឡើយ។​ ក្រោយមកសមត្ថកិច្ចបានឲ្យក្រុមក្មេងៗទំនើងទាំងអស់នោះត្រឡប់ទៅផ្ទះវិញ​ ដោយឲ្យពួកគេចូលរួមគោរពវិធានការ​ ការពា​កូវីដ-១៩​ ៣កុំ​និង៣ការពារ​ របស់រាជរដ្ឋាភិបាល​ និងការណែនាំរបស់ក្រសួងសុខាភិបាលផងដែរ៕

ដោយ​ ៖​ ជីម​ ភារ៉ា​


ចែករំលែក៖