សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស៊ិនទ្រីមួយគ្រឿងបេីកបរក្នុងល្បឿនលឿនជាន់ហ្វ្រ័ងមិនជាប់ជ្រុលទៅបុកបង្គោលភ្លេីងមួយដេីមគាបជាប់រងការខូចខាត តែសំណាងល្អមិនមានមនុស្សរងរបួសឡើយ។
ហេតុការណ៍នេះបានកេីតឡេីងកាលពីវេលាម៉ោង៩ព្រឹក ថ្ងៃទី១ ខែមេសា ឆ្នាំ២០២១ នៅចំណុចផ្លូវជាតិលេខ៣កែងផ្លូវ៣០ម៉ែត្រ ក្នុងភូមិព្រៃកំបុត សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តក្រុមហ៊ុនស៊ិនទ្រីគ្មានស្លាកលេខធ្វេីដំណេីរតាមបណ្តោយផ្លូវ៣០ម៉ែត្រ ក្នុងទិសដៅពីកេីតទៅលិចក្នុងល្បឿនលឿនខណៈមកដល់ចំណុចកេីតហេតុដោយសារតែមានឧបសគ្គខាងមុខជាន់ហ្វ្រ័ងមិនស៊ីក៏គេចមកខាងស្តាំដៃជ្រុលទៅបុកបង្គោលភ្លេីងថ្មីនិងបង្គោលស្លាកសញ្ញាពីរដេីមទៀតរងការខូចខាត ចំណែករថយន្តគាបជាប់ទៅមុខលែងរួចតែ សំណាងល្អមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងទំនាក់ទំនងទៅជំនាញចរាចរណ៍រាជធានីភ្នំពេញមកធ្វេីការវាស់វែងយករថយន្តទៅរក្សាទុករង់ចាំដោះស្រាយតាមច្បាប់៕
ដោយ៖សុខាសែនជ័យ
