សារព័ត៌មាន នគរវត្ត តែងតែនាំមុខគេជានិច្ច
ក្រុមហង្សក្រហម Liverpool នឹងស្វាគមន៍កីឡាករ Roberto Firmino បន្ទាប់ពីជាពីរបួសវិញសម្រាប់ការប្រកួតដ៏សំខាន់នៅ Premier League ថ្ងៃសៅរ៍នេះជាមួយក្រុម Arsenal ។ នេះបើយោងតាមការផ្សាយរបស់ MARCA សារព័ត៌មានអេស្ប៉ាញ ។
កីឡាករ Firmino បានអវត្តមានអស់រយៈពេល១ខែដោយសារបញ្ហារបួសជង្គង់ដោយការលេងចុងក្រោយនៅក្នុងផ្ទះពេលចាញ់ក្រុមតោខៀវ Chelsea កាលពីថ្ងៃទី៣ ខែមីនា។ ក្រុមអតីតជើងឯកឈរនៅលេខរៀងទី៧ ក្នុងការប្រកួតក្រៅដីជាមួយក្រុម Arsenal ដោយដេញតាមពីក្រោយក្រុមកំពូលតារាងរហូតដល់២៥ពិន្ទុ។
លោក Klopp អ្នកចាត់ការក្រុមហង្សក្រហមបានថ្លែងនៅក្នុងសន្និសីទសារព័ត៌មានមុនការប្រកួតរបស់លោកកាលពីថ្ងៃសុក្រនៅពេលដែលលោកត្រូវបានគេសួរអំពីកីឡាករដែលរងរបួសផ្សេងទៀតដូចជា Jordan Henderson និង Virgil van Dijk ។
លោកនិយាយថា “អ្វីៗផ្សេងទៀតនឹងប្រសើរឡើង ហើយខ្ញុំក៏សង្ឃឹមថាកីឡាករឆាប់ជា។ ពួកគេទាំងអស់នៅកន្លែងដែលពួកគេគួរតែនៅពេលនេះ ខ្ញុំមិនមានព័ត៌មានអាក្រក់ ឬដំណឹងល្អទេ។ ប្រសិនបើពួកគេត្រៀមខ្លួននោះពួកគេបានត្រៀមរួចរាល់ហើយ។ ពួកគេកំពុងស្ថិតក្នុងដំណើរការស្តារឡើងវិញ។
Jordan Henderson មិននៅទីនេះទេ ឥឡូវនេះគាត់មិនអាចបង្វឹកបានទេ គាត់នឹងហ្វឹកហាត់នៅថ្ងៃក្រោយ ឬសប្តាហ៍ក្រោយទៀត” ។
អវត្ដមានរបស់ Firmino, Diogo Jota បានជាសះស្បើយពីរបួសរបស់គាត់ដើម្បីរកគ្រាប់បាល់ពេលប៉ះក្រុម Wolves និងជួយហង្សក្រហមធានាបាននូវការវិវត្តនៃក្របខ័ណ្ឌ Champions League ទល់នឹង RB Leipzig ។ កីឡាកររូបនេះមានទម្រង់លេងល្អ ដោយរកបាន៣គ្រាប់ក្នុងការប្រកួត២ដងសម្រាប់ព័រទុយហ្គាល់។
លោក Klopp បាននិយាយថា “Diogo Jota គឺស្ថិតនៅក្នុងពេលដ៏ល្អ ទាំងនេះជាផលល្អនៃការចូលរួមប្រកួតអន្តរជាតិកន្លងមក” ៕
ដោយ៖ ភារៈ
