សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ បើតាមសេចក្តីប្រកាសព័ត៌មានរបស់រដ្ឋបាលខេត្តកំពង់ចាម នៅថ្ងៃទី៩ ខែមេសា ឆ្នាំ២០២១នេះ ស្តីពីការរកឃើញករណីវិជ្ជមានកូវីដ១៩ លើស្ត្រីជនជាតិខ្មែរ ឈ្មោះ ធឿន ណារ៉ង អាយុ ៣៧ឆ្នាំ រស់នៅភូមិកោះស្វាយ ឃុំត្រពាំងព្រះ ស្រុកព្រៃឈរ ខេត្តកំពង់ចាម។
ជាមួយគ្នានេះរដ្ឋបាលខេត្តកំពង់ចាម សូមអំពាវនាវដល់អ្នកពាក់ព័ន្ធជាមួយនឹងស្ត្រីរូបនេះ ចំនួន ៩០នាក់ ក្នុងនោះអ្នកពាក់ព័ន្ធដោយផ្ទាល់ចំនួន ១១នាក់ និងពាក់ព័ន្ធដោយប្រយោលចំនួន ៧៩នាក់ សូមទៅពិនិត្យសុខភាព និងយកសំណាក នៅមន្ទីរពេទ្យបង្អែកដែលនៅជិតផ្ទះ ត្រូវធ្វើចត្តាឡីស័កឲ្យបានត្រឹមត្រូវ និងអនុវត្តឲ្យបានខ្ជាប់ខ្ជួន តាមការណែនាំរបស់មន្ត្រីសុខាភិបាល និងអាជ្ញាធរមូលដ្ឋាន។
នៅក្នុងសេចក្ដីប្រកាសព័ត៍មានរបស់រដ្ឋបាលខេត្តកំពង់ចាម បានគូសបញ្ជាក់ថា៖ សូមបងប្អូនដែលជាប់ពាក់ព័ន្ធនឹងស្រ្តីខាងលេីនេះ ប្រញាប់ទៅពិនិត្យសុខភាព និងយកសំណាក នៅមន្ទីរពេទ្យបង្អែក ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់ តាមរយៈឈ្មោះ វ៉ាន់ សន លេខទូរស័ព្ទ ០៩៧ ៧៣៣ ២២៥៥ ឬ ០៨៥ ៤១ ៤៥ ៥៦៕
សូមអានព័ត៌មានលម្អិតនៅក្នុងសេចក្តីប្រកាសព័ត៌មានខាងក្រោម៖
