សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ បានដាក់បទបញ្ជាទៅកម្លាំងនគរបាលទាំងអស់ដែលត្រូវចាំការ នៅគោលដៅបិទខ្ទប់ការធ្វើដំណើរ ពិសេសនៅរាជធានីភ្នំពេញ ត្រូវក្រោកឈរដើម្បីសួរនាំរកលិខិតធ្វើដំណើរ ហើយត្រូវប្រើប្រាស់ពាក្យសម្ដីឲ្យបានសមរម្យជាដាច់ខាត។
តាមរយៈសារសំឡេងនេះ ជាបទបញ្ជាដែលផ្ញើទៅកាន់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដែលបណ្ដាញសារព័ត៌មានទទួលបាននៅព្រឹកថ្ងៃទី១៩ ខែមេសា ឆ្នាំ២០២១នេះ នាយឧត្តមសេនីយ៍ សន្ដិបណ្ឌិត នេត សាវឿន បានសង្កត់ធ្ងន់ថា កម្លាំងប្រចាំការនៅតាមគោលដៅ មិនត្រូវអង្គុយ សួរនាំអ្នកធ្វើដំណើរនោះទេ ហើយជាពិសេសក៏មិនត្រូវរុញដាក់គ្នាដើម្បីសម្រេចក្នុងការអនុញ្ញាតឲ្យធ្វើដំណើរនោះដែរ។
នេះជាចំណុចដ៏ល្អបំផុតដែលថ្នាក់ដឹកនាំ បានគិតគូរបែបនេះ
ទី១-បញ្ចៀសការកកស្ទះ
ទី២-ងាយស្រួលអោយអ្នកឆ្លងកាត់បានដឹងពីលក្ខណះបែបណាដែលអាចឆ្លងកាត់បាន
ទី៣-សម្របសម្រួលអោយអ្នកជំងឺងាយបានទៅព្យាបាល
ទី៤-គួរមើលពីការណែនាំរបស់រដ្ឋបាលរាជធានីភ្នំពេញ
ទី៥-យល់ដឹងពីតួនាទី ភារកិច្ចងាយសម្រេច
ទី៦-ការប្រើពាក្យសំដីសមរម្យនោះហើយជាវប្បធម៌ខ្មែរយើង៕
ដោយ ៖ សិលា
