សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងមូលដ្ឋានកងរាជអាវុធហត្ថស្រុកសំរោងទង ខេត្តកំពង់ស្ពឺ ដឹកនាំដោយលោកវរសេនីយ៍ត្រី វិន ឡេងហួង មេបញ្ជាការ បានឃាត់ខ្លួនជនសង្ស័យម្នាក់ តាមដីកាតុលាការពាក់ព័ន្ធជួញដូរគ្រឿងញៀន កាលពីថ្ងៃទី២១ ខែមេសា ឆ្នាំ២០២១ នៅចំណុចភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ។
បេីតាមការបញ្ជាក់ពីមន្រ្តីកងរាជអាវុធហត្ថស្រុកសំរោងទង បានឲ្យដឹងនៅថ្ងៃទី២២ ខែមេសា ឆ្នាំ២០២១នេះថា កម្លាំងជំនាញបានឃាត់ខ្លួនជនសង្ស័យ ឈ្មោះ សន វ៉ាន់ថា ភេទប្រុស អាយុ២៨ឆ្នាំ មុខរបរមិនពិតប្រាកដ។ ដោយការចាប់ខ្លួននេះ គឺបុគ្គលរូបនេះជាប់ពាក់ព័ន្ធករណីជួញដូរដោយខុសច្បាប់ នូវសារធាតុញៀន តាមដីកាបង្គាប់អោយចាប់ខ្លួន លេខ៤៨ ចុះថ្ងៃទី២៨ ខែកុម្ភ: ឆ្នាំ២០១៩ របស់ចៅក្រមស៊ើបសួរ អ៊ុក រ៉េតគន្ធា នៃសាលាដំបូង ខេត្តកំពង់ស្ពឺ។
ក្រោយឃាត់ខ្លួនរួចជនសង្ស័យ ត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្ត បច្ចុប្បន្នកម្លាំងជំនាញការិយាល័យប្រឆាំងគ្រឿងញៀន កំពុងបន្តនីតិវិធីច្បាប់៕ដោយ៖សហការី
