សារព័ត៌មាន នគរវត្ត តែងតែនាំមុខគេជានិច្ច
ខ្សែការពារ Marcelo របស់ក្រុម Real Madrid អាចខកខានការប្រកួតជើងទី២នៃការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League នៅឯទឹកដីក្លិបតោខៀវ ព្រោះរូបគាត់ត្រូវជាប់ការតព្វកិច្ចឱ្យឃ្លាំមើលការិយាល័យបោះឆ្នោតក្នុងអំឡុងពេលបោះឆ្នោតក្នុងស្រុក។ ការបោះឆ្នោតសម្រាប់សន្និបាតតំបន់ម៉ាឌ្រីដនឹងធ្វើឡើងនៅថ្ងៃអង្គារទី៤ ខែឧសភាខាងមុខនេះ។
ក្រុម Real Madrid បានប្រកួតស្មើ ១-១ នៅផ្ទះក្នុងជើងទី១ ហើយនឹងលេងជើងទី២ នៅទឹកដី Stamford Bridge នៅថ្ងៃទី៦ ខែឧសភាខាងមុខ។ ក្លិបអេស្ប៉ាញកំពុងវិភាគស្ថានការណ៍ដើម្បីដឹងថា បទបញ្ជាណាមួយនឹងអនុញ្ញាតឱ្យគាត់ធ្វើដំណើរទៅចូលរួមជាមួយក្រុមក្នុងការប្រកួតជើងទី២បាន។
សារព័ត៌មាន BBC Sport បានឲ្យដឹងកាលពីថ្ងៃទី២៩ មេសាថា ខ្សែការពារស្លាបឆ្វេងរបស់ប្រេស៊ីលរូបនេះបានចាប់ផ្តើមនៅក្នុងការប្រកួតកាលពីថ្ងៃអង្គារដែលបានធ្វើឱ្យក្រុមតោខៀវ Chelsea រកបានគ្រាប់បាល់ក្រៅដីក្នុងលទ្ធផលស្មើជាមួយនឹងក្រុមម្ចាស់ជើងឯកអឺរ៉ុប១៣សម័យកាលReal Madrid។ ខ្សែការពារ Marcelo មានវ័យ៣២ឆ្នាំត្រូវបានផ្តល់សញ្ជាតិអេស្ប៉ាញកាលពីឆ្នាំ២០១១ ។
លើកលែងតែកីឡាករ Marcelo ត្រូវបានលើកលែងពីភារកិច្ចថ្ងៃបោះឆ្នោតរបស់គាត់ ប៉ុន្តែគាត់នឹងមិនត្រូវបានអនុញ្ញាតឱ្យធ្វើដំណើរជាមួយក្រុមមួយថ្ងៃមុនការប្រកួតនោះបានទេ។ សារព័ត៌មានអេស្ប៉ាញ El Mundo រាយការណ៍ថា ក្លិបបានប្តឹងទៅគណៈកម្មការរៀបចំការបោះឆ្នោតប៉ុន្តែសំណើនេះត្រូវបានបដិសេធ។
ប្រជាជនអេស្ប៉ាញទាំងអស់ដែលបានចុះឈ្មោះបោះឆ្នោតអាចត្រូវបានកោះហៅឱ្យទៅធ្វើការនៅការិយាល័យបោះឆ្នោត ហើយទទួលបានប្រាក់ឈ្នួល៦៥អឺរ៉ូ ដោយត្រូវការកាលៈទេសៈបន្ធូរបន្ថយ។
ស្ថានភាពលំបាករបស់គាត់ ខណៈដែលពិតជាហេតុផលមួយក្នុងចំណោមហេតុផលមិនធម្មតាជាងនេះដែលអាចធ្វើឱ្យខកខានការប្រកួតវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League គឺមិនធ្លាប់មានពីមុនមកនៅក្នុងបាល់ទាត់អេស្ប៉ាញ។
គួររំលឹកថា អ្នកចាំទីក្រុម Levante កីឡាករ Aitor Fernandez ក៏ត្រូវបានគេដាក់ឈ្មោះក្នុងបញ្ជីបម្រុងដើម្បីចូលរួមការិយាល័យបោះឆ្នោតមួយនៅឯស្រុកកំណើតរបស់គាត់នៅតំបន់ Mondragon កាលពីឆ្នាំ២០១៩ នៅពេលដែលនៅថ្ងៃដដែលនោះគាត់នឹងត្រូវប្រកួតជាមួយក្រុម Athletic Bilbao ។ ទោះយ៉ាងណាក៏ដោយគាត់ត្រូវបានគេលើកលែងពីភារកិច្ចបោះឆ្នោត ហើយត្រូវបានគេអះអាងថា អាចនឹងមានឈ្មោះចូលលេងផងដែរ។
ចំណែកខ្សែប្រយុទ្ធ Inaki Williams របស់ក្រុម Bilbao ក៏ត្រូវបានគេលើកលែងឱ្យធ្វើការនៅស្ថានីយ៍បោះឆ្នោតមួយកាលពីឆ្នាំ២០១៥ផងដែរនៅពេលដែលការបោះឆ្នោតចំពេលក្រុមនេះប្រកួតជាមួយនឹងក្រុមLevante ៕ដោយ៖ ភារៈ
