សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី៣០ ខែមេសា ឆ្នាំ២០២១ នៅតែបន្តសកម្មភាពចុះសួរសុខទុក្ខកងកម្លាំង ត្រួតពិនិត្យស្ថានភាពទូទៅ តាមគ្រប់គោលដៅបិទខ្ទប់ នៅក្នុងភូមិសាស្ត្រខណ្ឌមានជ័យ ដង្កោ និងពោធិ៍សែនជ័យ។
ក្នុងប្រតិបត្តិការនោះ លោកស្នងការ បានណែនាំដល់កងកម្លាំងដែលឈរជេីងតាមគោលដៅទាំងអស់ ត្រូវតែធ្វេីតែអនុវត្តតាមបទបញ្ជា និងធ្វេីការត្រួតពិនិត្យឲ្យបានម៉ត់ចត់ ដេីម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ១៩។
ជាមួយគ្នានេះ លោកស្នងការ ក៏សូមអំពាវនាវដល់បងប្អូនយើងបង្កើនការប្រុងប្រយ័ត្ន និងបើមិនចាំបាច់ទេ សូមកុំចេញពីផ្ទះ! ហើយត្រូវអនុវត្តវិធានការ “៣កុំ និង៣ការពារ” អោយខានតែបាន! សូមជូនពរបងប្អូនយើងចៀសផុតពីកូវីដគ្រប់គ្នា!៕ដោយ៖ស តារា
