សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមបទបញ្ជាដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានឱ្យកម្លាំងបញ្ជាការដ្ឋានអង្គរក្ស និងបញ្ជាការដ្ឋានកាំភ្លេីងធំ អគ្គបញ្ជាការ ដឹកជញ្ជូនសម្ភារៈ ស្បៀង គ្រឿងឧបភោគ បរិភោគ ដេីម្បីប្រគល់ជូនដល់រដ្ឋបាលសាលាខេត្តព្រះសីហនុ ក្នុងការផ្តល់ជូនប្រជាពលរដ្ឋដែលកំពុងខ្វះខាតរស់នៅកន្លែងបិទខ្ទប់ដោយសារជម្ងឺកូវីដ-១៩ ក្នុងមូលដ្ឋានខេត្តព្រះសីហនុ។ ក្នុងនោះដែរអាជ្ញាធរ និងក្រុមការងារបាន ក៏សូមថ្លែងអំណរគុណចំពោះលោក សាយ សំអាល់ ប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ និងលោក លូ គឹមឈន់ ប្រតិភូរាជរដ្ឋាភិបាល ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ និងលោក គួច ចំរេីន អភិបាល នៃគណៈអភិបាលខេត្តព្រះសីហនុ ដែលបានយកចិត្តទុកដាក់ជួយទំនុកបម្រុងនូវថវិកា ម្ហូបអាហារ កន្លែងស្នាក់នៅ ដល់នាយទាហាន-ពលទាហាន ព្រមទាំងជួយលសម្រួលគ្រប់លក្ខណៈ ដេីម្បីងាយស្រួលក្នុងការបំពេញភារកិច្ចបម្រេីដល់ប្រជាពលរដ្ឋដែលកំពុងខ្វះខាតក្នុងមូលដ្ឋានខេត្តព្រះសីហនុ៕
ដោយ ៖ សិលា
