សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United បានយកឈ្នះក្រុមម្ចាស់ផ្ទះ Aston Villa ៣-១ នៅ Premier League កាលពីថ្ងៃអាទិត្យ ទី៩ ឧសភា ខណៈដែលកីឡាករ Bruno Fernandes, Mason Greenwood និង EdinsonCavani បានស៊ុតបញ្ចូលទីក្នុងតង់ទី២ ដើម្បីបង្អាក់ការអបអរសាទរឈ្នះជើងឯករបស់ក្រុម Manchester City ។
លទ្ធផលនេះបានធ្វើឱ្យក្រុមបិសាចក្រហមឈរនៅលេខ២មាន៧០ពិន្ទុពី៣៤ប្រកួតដែលចាញ់១០ពិន្ទុនៅពីក្រោយក្រុម Man City នៅក្នុងដៃមួយប្រកួតទៀត ហើយក្រុម Man City ខកខានឱកាសក្នុងការដណ្តើមជើងឯកនៅថ្ងៃសៅរ៍នេះបន្ទាប់ពីពួកគេបានរងបរាជ័យក្រោមថ្វីជើងក្រុមតោខៀវ Chelsea ២-១ ។
ជ័យជម្នះនេះបានអូសបន្លាយការលើកពានលីគកំពូលអង់គ្លេសផងដែរពីក្រុម Man City នៅសល់៣ប្រកួតទៀតនឹងចប់រដូវកាល។ អ្នកចាត់ការក្រុមបិសាចក្រហមលោក Ole Gunnar Solskjaer បានបង្ហើបថា ប្រធានក្រុម Harry Maguire អាចនឹងត្រូវអវត្តមានពីការប្រកួតវគ្គផ្តាច់ព្រ័ត្រ Europa League ទល់នឹងក្រុមអេស្ប៉ាញ Villarreal នៅថ្ងៃទី២៦ ខែឧសភាខាងមុខ ដោយសារមានបញ្ហារបួសពេលប្រកួតប៉ះជាមួយក្រុម Aston Villa យប់មិញ។
ជាមួយគ្នានេះអ្នកចាត់ការទូទៅលោក Ole Gunnar Solskjaer មានប្រសាសន៍ថា ក្រុមបិសាចក្រហម Manchester United នឹងតស៊ូដើម្បីពន្យារពេលការឈ្នះពាន Premier League របស់ក្រុម Manchester City ដរាបណាយើងអាចធ្វើបាន ។
គ្រូបង្វឹករបស់ក្រុមបិសាចក្រហមរូបនេះបានប្រាប់ BBC Sport ថាយ៉ាងហោចណាស់យើងនឹងមិនធ្វើដំណើរត្រឡប់ទៅពិធីជប់លៀងរបស់ Man City នារាត្រីនេះទេ។ កីឡាកររបស់លោកនឹងពេញចិត្តពីការពន្យារពេលការបញ្ជាក់ពីចំណងជើងរបស់ Man City ។
លោក Solskjaer បានប្រាប់ទូរទស្សន៍ Sky Sports ថា “នោះជារឿងល្អបំផុត យ៉ាងហោចណាស់យើងនឹងមិនចូលរួមក្នុងក្រុមមេឃខៀវនៅយប់នេះទេ ។ យើងនឹងព្យាយាមពន្យារពេលឲ្យតែយើងអាចធ្វើបាន”។
ជ័យជម្នះនេះបានកើតឡើងមួយសប្តាហ៍ដ៏ល្អសម្រាប់ក្រុមបិសាចក្រហមដែលបានឈានដល់វគ្គផ្តាច់ព្រ័ត្រជាលើកទី១ នៃយុគសម័យលោកSolskjaer ខណៈដែលពួកគេបានរៀបចំការប្រកួតវគ្គផ្តាច់ព្រ័ត្រ Europa League ទល់នឹងក្រុម Villarreal ទោះបីជាការបរាជ័យជើងទី២ ក្នុងលទ្ធផល ៣-២ ចាញ់ក្រុម Roma កាលពីថ្ងៃព្រហស្បតិ៍ក៏ដោយ។
ទោះយ៉ាងណាការបាត់បង់កីឡាករ Harry Maguire ដោយសារបញ្ហារបួសកាលពីថ្ងៃអាទិត្យគឺជាក្តីបារម្ភរបស់អ្នកចាត់ការទូទៅ Man United ដែលបានបង្ហើបថាគាត់នឹងធ្វើការស្កេននៅថ្ងៃចន្ទនេះ។
ចំពោះវិសាលភាពនៃបញ្ហារបួសរបស់ Maguire លោក Solskjaer បាននិយាយថា “យើងមានវគ្គផ្តាច់ព្រ័ត្រដើម្បីទន្ទឹងរង់ចាំ។ សង្ឃឹមថាវានឹងនៅជាមួយ Harry Maguire។ ប្រហែលជាពីរបីសប្តាហ៍ ឬប្រហែលជាពីរបីថ្ងៃយើងនឹងដឹងច្បាស់ពីបញ្ហារបួសរបស់គាត់” ៕ដោយ៖ ភារៈ
