សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បើយោងតាមការបញ្ជាក់អោយដឹងពី លោកស្រី យក់ សម្បត្តិ រដ្ឋលេខាធិការក្រសួងសុខាភិបាល គឺសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី១៨ ខែឧសភា ឆ្នាំ២០២១នេះ បានបន្តផ្តល់ជំនួយឧបត្ថម្ភជាថវិកាចំនួន ២៤៩០លានរៀលទៀត ដល់បណ្តាខេត្តចំនួន២២ ដើម្បីរៀបចំធ្វើចត្តាឡីស័ក ចាប់ពីថ្ងៃទី១៦ ដល់២២ ខែឧសភា ឆ្នាំ២០២១។
ក្នុងនោះលោកស្រី យក់ សម្បត្តិ បានលម្អិតថា, ខេត្តទាំង២២នោះមាន៖ ខេត្តបាត់ដំបង ទទួលបាន ២៨០លានរៀល, ខេត្តបន្ទាយមានជ័យ ទទួលបាន ២៧០លានរៀល, ខេត្តឧត្តរមានជ័យ ទទួលបាន ៥០លានរៀល, ខេត្តប៉ៃលិន ទទួលបាន ៥០លានរៀល, ខេត្តកោះកុង ទទួលបាន ១០លានរៀល, ខេត្តពោធិ៍សាត់ ទទួលបាន ៣៥០លានរៀល, ខេត្តព្រះវិហារ ទទួលបាន ៣០លានរៀល, ខេត្តកណ្តាល ទទួលបាន ១៨០លានរៀល, ខេត្តស្វាយរៀង ទទួលបាន ៥០លានរៀល, ខេត្តព្រៃវែង ទទួលបាន ទទួលបាន ១៥០លានរៀល, ខេត្តត្បូងឃ្មុំ ទទួលបាន ៦០លានរៀល។
ខេត្តក្រចេះ ទទួលបាន ១០លានរៀល, ខេត្តរតនគិរី ទទួលបាន ៣០លានរៀល, ខេត្តតាកែវ ទទួលបាន ៨០លានរៀល, ខេត្តកំពង់ចាម ទទួលបាន ១៥០លានរៀល, ខេត្តកំពង់ឆ្នាំង ទទួលបាន ១៣០លានរៀល, ខេត្តកែប ទទួលបាន ១០លានរៀល, ខេត្តកំពង់ស្ពឺ ទទួលបាន ២៧០លានរៀល, ខេត្តកំពង់ធំ ទទួលបាន ១០០លានរៀល, ខេត្តស្ទឹងត្រែង ទទួលបាន ១០លានរៀល, ខេត្តព្រះសីហនុ ទទួលបាន ១០០លានរៀល, ខេត្តសៀមរាប ទទួលបាន ១២០លានរៀល។
សូមជម្រាបជូនថា, សម្ដេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា បានគិតគូរអំពីប្រជាពលរដ្ឋ ទាំងការរស់នៅប្រចាំថ្ងៃ ទាំងការទប់ស្កាត់ជំងឺកូវីដ-១៩ ដែលកំពុងរាតត្បាតដ៏សាហាវនេះ ហើយសម្ដេចនឹងមានជំនឿថា នាពេលដ៏ខ្លីខាងមុខនេះ កម្ពុជានឹងទប់ស្កាត់បាននូវជំងឺកូវីដ-១៩ នឹងធ្វើឲ្យសេដ្ឋកិច្ចប្រទេសជាតិដំណើរការល្អឡើងវិញ៕
ដោយ ៖ សិលា
